අහ්නාෆ් ජසීම් නිදහස් කරගැනීමේ හා ප්‍රජාතන්ත්‍රවාදය ආරක්ෂා කිරීමේ ක්‍රියාමාර්ගය කම්කරු පන්තියේ විප්ලවවාදී නායකත්වය යටතේ සංවිධානය කරමු!
හත පලවන්නේ අහනාෆ් ජසීම් කවියා නිදහස් කරගැනීම සදහා කලාවේ හා ප්‍රකාශනයේ නිදහස ආරක්ෂා කිරීමේ ක්‍රියාකාරී කමිටුව (ACDAE) ලෝක සමාජවාදී වෙබ් අඩවිය(ලෝසවෙඅ) සමඟ ගෙන යන අරගලයේ කොටසක් ලෙස පසුගිය ජුලි 18 දින Zoom හරහා පවත්වන ලද ඔන්ලයින් රැස්වීමේ දී ක්‍රියාකාරී කමිටුව වෙනුවෙන් එහි සභාපති ද, සමාජවාදී සමානතා පක්ෂයේ නායකයෙක් ද, ලෝසවෙඅ ලේඛකයෙක් ද වන සංජය ජයසේකර විසින් පවත්වන ලද ආරම්භක කථාවයි:
අහ්නාෆ් ජසීම් කවියා වහා නිදහස් කරනු!
සහෝදරවරුනි, සහෝදරියනි.
කවිවර අහනාෆ් ජසීම් නිදහස් කර ගැනීම් සහ ප්‍රජාතන්ත්‍රවාදී අයිතීන් ආරක්ෂා කර ගැනීමේ වැඩපිලිවෙල සාකඡ්චා කිරීම සඳහා කලාවේ හා ප්‍රකාශනයේ නිදහස ආරක්ෂා කිරීමේ ක්‍රියාකාරී කමිටුව හා ලෝක සමාජවාදී වෙබ් අඩවිය සංවිධානය කල මෙම රැස්වීමට සහභාගීවන සියලුම සහෝදර සහෝදරියන් මම මේ මොහොතේ සහෝදරාත්මකව පිලිගන්නවා. ඒ වගේම මෙම රැස්වීමට අපගේ ආරාධනාව මත විශේෂයෙන් සම්බන්ධවන එක්සත් රාජධානියේ සමාජවාදී සමානතා පක්ෂයේ සහකාර ලේකම් හා, ඇමරිකානු ජනාධිපතිවරුන් තුන්දෙනෙකුම යටතේ තවමත් අධිරාජ්‍යවාදී දඩයමට ලක්ව සිටින විකිලීක්ස් නිර්මාතෘ ජුලියන් අසාන්ජ් ආරක්ෂා කිරීම සඳහා හතරවන ජාත්‍යන්තරයේ ජාත්‍යන්තර කමිටුව ගෙනයන අනවරත අරගලයේ ප්‍රධාන ලේඛකයෙක් හා නියමුවෙක් වන තෝමස් සක්‍රිප්ස් සහෝදරයා ද මම අප ක්‍රියාකාරී කමිටුව වෙනුවෙන් සහෝදරාත්මකව පිලිගන්නවා.
රැස්වීම ආරම්භයේ සිහිපත් කෙරුනු ආකාරයටම, අහ්නාෆ් ජසීම් තරුන කවියා ගොඨාභය රාජපක්ෂ ආන්ඩුව විසින් ප්‍රජාන්ත්‍ර විරෝධි ලෙස අත්අඩංගුවට ගෙන ඔහුගේ නිදහස අහිමි කර දැනට වසරකුත් මාස දෙකක් ඉක්මව ගොස් තිබෙනවා. 2017 දී ඔහු ලියා පලකල "නවරසම්" කාව්‍ය ග්‍රන්තයේ මුස්ලිම් අන්තවාදී අදහස් අන්තර්ගත යැයි ද, දෙමල භාෂා හා සාහිත්‍ය ගුරුවරයෙක් වශයෙන් කටයුතු කල 2019 ජුලි මසින් පසු කාලයේදී තම ශිෂ්‍යයන්ට අන්තවාදී මත උගන්වීයැයි ද ඔහුට එරෙහිව බොරු චෝදනා එල්ල කර තිබෙනවා. කිසිදු සාක්ෂියක් ඉදිරිපත් නොකරමින්ම, පොලීසිය අලුත්ම චෝදනාවක් නගමින් කියා ඇත්තේ කවියා "තව්හීඩ් ජමාත්" යන මුස්ලම් අන්තවාදී සංවිධානයකට සම්බන්ධ බව යි. අතිශය ප්‍රජාතන්ත්‍ර විරෝධී ආකාරයෙන් විෂකුරු ත්‍රස්තවාදය වැලැක්වීමේ පනත යටතේ ඔහුව රදවා තැබුනු අතරම, ගිය මුලදී හොර රහසේම ඔහුව අධිකරනයට ඉදරිපත් කර රිමාන්ඩ් බන්ධනාගාර ගත කර තිබෙනවා.
කවියාට එරෙහිව ඇති සාක්ෂි පිලිබඳ වාර්ථාවක් නිකුත් කරන ලෙස ත්‍රස්ත මර්ධන හා විමර්ෂන ඒකකය (ටීඅයිඩී)ට නියෝග කරන්න යැයි කවියා වෙනුවෙන් කරන ලද ඉල්ලීම අධිකරනය පසුගියදා ප්‍රතක්ෂේප කිරීමත් සමඟ තමන්ට එරෙහිව ඇති සාක්ෂි කුමක්ද යන්න දැනගැනීමේ අයිතියත් ඔහුට අහිමි කරල තිබෙනවා. තමන්ට එරෙහි සාක්ෂි මොනවාද යන්න දැනගැනීම ඔනෑම සැකකරුවෙකුට තියෙන ප්‍රධාන අයිතියක්. කවියාට එරෙහිව තවමත් කිසිදු සාක්ෂියක් පොලීසිය ඉදිරිපත් කර නැහැ. මාස 14 කට පසුත් ඔහුට එරෙහිව කිසිදු අධිකරනයක අධිචෝදනා ගොනුකර ඇත්තේත් නැහැ.
කවියා වෙනුවෙන් අධිකරනයේ කරුනු ඉදිරිපත් කිරීම අහුරා ලමින් පොලීසිය කවියා අධිකරනයට ඉදිරිපත් කිරීමට ගන්නා ලද රහසිගත ක්‍රියාපටිපාටිය අනුමත කරමින් මහේස්ත්‍රාත් අධිකරනය පසුගියදා ප්‍රකාශ කලේ ත්‍රස්තවාදය වැලැක්වීමේ පනත යටතේ රැඳවියෙකු අධිකරනයට ඉදිරිපත් කිරීමේ දී ඔහුගේ ඥාතීන්ට හෝ නීතීඥවරුන්ට දැනුම් දීම සඳහා නෛතික ප්‍රතිපාදනයක් නැති බව යි. කොවිඩ්-19 වසංගතය මත පනවා ඇති සෞඛ්‍ය තහංචි මත බන්ධනාගාරයට ගොස් කවියා හමුවීම පවුලේ අයට පමනක් නොවෙයි ඔහුගේ නීතීඥවරුන්ටත් අහිමි කරල තියෙනවා. ඒ අර්ථයෙන් මාස කිහිපයක් තිස්සේ කවියා දුටු අයෙක් අප අතර නැහැ.
කවියා අනීතික ලෙස රඳවා තැබුනු කාලය තුල පොලීසියේ චෝදනා පිලිගැනීමේ ප්‍රකාශයක් ඔහුගෙන් බලහත්කාරයෙන් ලබාගැනීම සඳහා පොලීසිය ඔහුට අමානුෂිකව සලකනු ලැබූ බවත් දීර්ඝ මානසික පීඩනයකට ලක්කල බවත් ඔබ කවුරුත් දන්නා කාරනයක්. 2019 අප්‍රේල් මසදී ISIS සංවිධානය පිටුබලය සහිතව ලංකාවේ ත්‍රස්ත කන්ඩායමක් එල්ල කල පාස්කු ප්‍රහාරය ගසාකමින්, පැවති සිරිසේන-වික්‍රමසිංහ ආන්ඩුවත්, රාජපක්ෂ ආන්ඩුවත් අත්අඩංගුවට ගනු ලැබ රදවා තබා ඇති අහ්නාෆ් ඇතුලු සියගනනක් සම්බන්ධව බොරු සාක්ෂි ගෙතීම සඳහා පොලීසිය මෙලෙස ක්‍රියාත්මක වෙමින් තිබෙනවා. මේ ආකාරයෙන්ම, අන්තවාදී දේශන පැවැත්වීම හරහා මුස්ලිම් අනතවාදයට ආධාර අනුබල දීම යන බොරු චෝදනා පටවම්න් බලහත්කාරයෙන් ලබාගත් ප්‍රකාශ හරහා පොලීසිය මානව හිමිකම් නීතීඥවරයෙක් වන හෙජාස් හිස්බුල්ලා අත් අඩංගවට ගෙන රඳවා තැබුනා.
ත්‍රස්තවාදය වැලැක්වීමේ පනත වගේම ඒ යටතේ පනවා ඇති ප්‍රජාත්ත්‍ර විරොධී රෙගුලාසි, මහජන ආරක්ෂක පනත හා හදිසි අවස්ථා රෙගුලාසි, දන්ඩ නීති සංග්‍රහය, සිවිල් හා දේශපාලන අයිතිවාදිකම් පිලිබඳ ප්‍රඥප්ති පනත, පරිඝනක අපරාධ පනත, අත්‍යවශ්‍ය සේවා පනත වැනි මර්දක පනත් ගනනාවක් මේ ආකාරයෙන් තම දේශපාලන විරුද්ධවාදීන්, සමාජමාධ්‍ය ලිපිකරුවන්, ක්‍රියාකාරිකයින්, ලේඛකයින්, මාධ්‍යවේදීන් හා උද්ඝෝෂකයින් දඩුගැසීම සඳහා රාජපක්ෂ ආන්ඩුව දිගින්දිගටම යොදා ගනිමින් පවතිනවා. 26 අවුරුදු වර්ගවාදී යුද්ධය කාලය තුලත් එහි අවසාන අධියරේදීත් මෙම අන පනත් දරුනු ආකාරයෙන් රටේ උතුරේ දෙමල තරුන තරුනයන්ට එරෙහිව වගේම දකුනේ සමාජ ක්‍රියාකාරිකයන්ටත්, කම්කරුවන්ට හා ශිෂ්යයන්ටත් එරෙහිව යොදා ගැනුනු බව අපි දන්නවා.
සමාජවාදී සමානතා පක්ෂයේ මඟපෙන්වීම යටතේ දියත් කල අහනාෆ් ජසීමි නිදහස් කරගැනීමේ අරගලයේදී අප ක්‍රියාකාරී කමිටුව පෙබරවාරි 16 නිකුත් කල ප්රකාශයෙන් අපි මෙසේ පැහැදිලි කලා:
"අන්තනෝමතික හා නීතිවිරෝධී ලෙස අහ්නාෆ් අත්අඩංගුවට ගැනීම වූ කලී කවියාගේ ප්‍රකාශනයේ හා කලාවේ නිදහස දරුනු ලෙස උල්ලංඝනය කිරීමක් වන අතර, එය රටේ මහජනයාගේ ප්‍රජාතන්ත්‍රවාදී අයිතිවාසිකම් මත එල්ල කෙරුනු සැලකිය යුතු ප්‍රහාරවලින් නවතම එකක් වෙයි. මෙම කවියා වූ කලී, මුස්ලිම් ජන සමාජය බිය ගැන්වීමේ හා කම්කරු පන්තිය වාර්ගික රේඛා අනුව බෙදීමේ අරමුනින් සැලසුම් කෙරුනු රාජ්‍ය අනුග්‍රහයෙන් යුත් මුස්ලිම් විරෝධී වර්ගවාදී උද්ඝෝෂනය යටතේ, මෙලෙස අත්අඩංගුවට ගත් හා රඳවා තැබීමට ලක් වූ සිය ගනනක් අතරින් එක් අයෙකු වෙයි."
වාර්ගික බේදබින්න කිරීම් වැපිරීම හරහා එක්සත් කම්කරු පන්තික අරගල පීලි පැන්නවීම, අඩපන කිරීම සඳහා සිංහල බෞද්ධ වර්ගවාදී නඩවල හා ධනපති මාධ්‍ය වලද සහාය ඇතිව, ඊනියා නිදහසින් පසු ලංකාවේ සිංහල ස්වොත්තමවාදී ආන්ඩු දෙමල හා මුස්ලම් මහජනතාවට එරෙහිව දිගින් දිගටම ගෙන ගිය විෂකුරු දේශපාලන වැඩපිලිවෙල පාස්කු ප්‍රහාරයෙන් පසු මුස්ලිම් මහජනතාවට එරෙහිව යොදා ගැනු ලැබුනා. දැවැන්ත විදෙස් නය කන්දරාවක් ගෙවමින් හා අය වැය පරතරය අඩුකිරීමේ ජාත්‍යන්තර මූල්‍ය අරමුදලේ නිර්දේශයන් ක්‍රියාවට දමමින්, සමාජ කප්පාදු පිලිවෙත් ක්‍රියාවට දමමින් සිටි සිරිසේන-වික්‍රමසිංහ ආන්ඩුව එය ගිලී තිබූ ආර්ථික හා දේශපාලන අර්බුදය මධ්‍යයේ එම පාලනයට එරෙහිව නැගී එමින් පැවති කම්කරු අරගල මාලාවක් යටපත් කිරීම සඳහා "ජාතික ආරක්ෂාවෙ" කඩතුරාව යටතේ පාස්කු ප්‍රහරය යහමින් ගසා කෑමට කටයුතු කලා. සමස්ථ මුස්ලිම් මහජනයාට හා සංස්කෘතියට එරෙහි මෙම ප්‍රහාරය නව වටයකින් ඉදිරියට ගෙනාවේ මෙන්න මේ සංධර්භය යටතේයි.
අහනාෆ් මෙන්ම හිස්බුල්ලාද, සියගනනක් එවැනි සිරකරුවන් ද ධනපති ප්‍රහාරය හා පන්ති පාලනය පිලිබඳ එම පුලුල් අර්ථයෙන් දේශපාලන සිරකරුවන්.
මුස්ලිම් මහජනතාවට එරෙහි මෙම වාර්ගික ප්‍රහාරයන් දිගේලි කරන අතරම, දෙමල ජනතාවට එරෙහි උතුරේ ලේවැකි වාර්ගික යුද්ධයෙන් වසර දොලහකට පසුත් එල්ටීටීය නැවත උත්ඨානය වේයැයි යන බේගලය ඇදබාමින් ජාතික ආරක්ෂාවේ ව්‍යාජ කඩතුරාව හරහා දෙමල ජනතාවට එරෙහි වාර්ගික අඩංතේට්ටම් කිරීම් තවදුරටත් තීව්‍ර කර තිබෙනවා. යුද්ධයෙන් මියගිය හා අතුරුදහන් කෙරුනු සටන්කාමීන් මෙන්ම තම ඥාතීන් සිහිපත් කිරීමේ උත්සව අවස්ථාවන් අධිකරන නියෝග හරහා තහනම් කරමින් ඒවා සංවිධානය කල පිරිස් බුරුතු පිටින් අත්අඩංගුවට ගනු ලැබුනා. ආන්ඩුව, වාලච්චේන පොලීසිය හරහා, මඩකලපුවේ දමිල මාධ්‍යවේදී කෝකිලින් දාසන් අත්අඩංගුවට ගෙන මාස හතකට වඩා මේ වන විට අත්අඩංගුවේ රඳවා තබාගෙන සිටින්නේ, ත්‍රස්තවාදය වැලැකවීමේ පනත යටතේම එන දරඳඩු රෙගුලාසි හරහායි. ඔහුට එරෙහි චෝදනා වන්නේ තමාගේ ෆේස්බුක් ගිනුමේ පලකල ජායාරූප හා සටහන් හරහා එල්ටීටීය ප්‍රවර්ධනය කිරීමයි. මේ චෝදනා සියල්ල අමූලික මුසාවන් ය. කෝකිලන් පලකර තිබුනේ දෙමල වැසියන් තම මියගිය ඥාතීන් අනුස්මරනය කිරීමේ ජායාරූප හා අනවරත වාර්ගික පීඩනය තුල පොදුවේ දෙමල මහජනයා තුල කැකෑරෙන අදහස්.
රාජපක්ෂ මුහුනදී ඇත්තේ විදෙස් සංචිත සිඳ යාමෙන්, අපනයන අඩපන වීමෙන්, ආනයන සීමා කිරීමෙන් හා සංචාරක කර්මාන්තය බිඳවැටීමෙන් ආදී, වසංගතය මගින් නිර්මානය කෙරුනු නව තත්වයන් යටතේ උග්‍ර කෙරී ඇති, දරුනු ආර්ථික අර්බුදයක කොන්දේසි වලට යි. අයවැය පරතරය දල ජාතික නිෂ්පාදනයෙන් 11%-14%දක්වා පහතට වැටී ඇති බවට වාර්ථා වෙනවා. බලූම්බර්ග් වාර්ථාවක් පසුගියදා නිවෙිදනය කලේ විදෙස් නය ගෙවීමට නොහැකිවීමේ බංකොලොත්කමට ඇද වැටීමේ අවදානමේ ඉහලින්ම සිටින ආසියානු-පැසිෆික් කලාපයේ රට ශ්‍රී ලංකාව වන බව යි. මේ තත්ත්වය තුල ජනතාව මත මුදාහැරෙන දරුනු පටි තද කරගැනීමේ පිලිවෙත් ඉන්දන සපයා ඇත්තේ වඩ වඩාත් ගිනියම් වෙමින් ඇවිලී යන පන්ති අරගල මාලාවකට යි.
මෙම තීව්‍ර වන කම්කරු ගොවි අරගල තලා දැමීම සඳහා ආරම්භයේ පටන්ම මිලටරිය මත පදනම් වූ ජනාධිපති ආඥාදායකත්වයක් රාජපක්ෂ නිර්මානය කරමින් සිටියා. මිලිටරිය උත්කර්ශයට නංවමින් හා ජාතික ආරක්ෂාව යන්න යොදා ගනිමින් රජයේ ඉහලම පුටුවලට විශ්‍රාමික හෝ නිලලත් මිලිටරි නායකයන් පත්කර ගනිමින් තමන්ට හිත පක්ෂපාත නඩයක් අතට බලය කේන්ද්‍රකරගැනීමට ඔහු කටයුතු කලා. ආන්ඩුක්‍රම ව්‍යවස්ථාවමත් වෙනස් කරගනිමින් පුලුල් බලතල තමන් වෙත කේන්ද්‍ර කර ගත්තා. එක් අතකින් මහා ව්‍යාපාරවල් ආරක්ෂා කිරීම සඳහා වසංගතය මධ්‍යයේමත් මුදල් පොම්ප කරමින් ධනපති ආර්ථිකය විවෘතව තබා ගැනීම සඳහා කටයුතු කරන අතර, එන්නත් කිරිමේ වහංතරාව යටතේ වසංගතයේ අන්තරාය හා මරන මධ්‍යයේම කම්කරුවන් නැවත වැඩට දක්කමින් තිබෙනවා. පාසැල් විවෘත කිරිම සඳහා දැන් ආන්ඩුව කඩිනමින් සූදානම් වෙමින් සිටින්නේ ඒ සඳහායි.
ශ්‍රම සූරාකෑමේ කොන්දේසි පුලුල් කරන අතරම වරාය හා අධ්‍යාපනය වැනි මහජන සම්පත් පුද්ගලීකරනය කිරීම සදහා ආන්ඩුව ක්‍රියා කරමින් සිටින්නේ දැවැන්ත කම්කරු පන්තක හා ශිෂ්‍ය අරගල මලාවක් මධ්‍යයේ ය. රැකියා හා වැටුප් කප්පාදු ඇතුලු රුදුරු ප්‍රහාරයන්ට එරෙහිව සෞඛ්‍ය, අධ්‍යාපන, දුම්රිය, විදුලිබල හා ජල සම්පාදන කම්කරුවන්ගේ හා ගුරුවරුන්ගේ මෙන්ම වතු හා පෞද්ගලික අංශයේ කම්කරුවන්ගේ වැඩ වර්ජන හා විරෝධතා රැල්ලක් නව මට්ටමකින් මතුවෙමින් තිබෙනවා. ගොවීන්ගේ හා ශිෂ්‍යයන්ගේ විරෝධතා ද නිතිපතා වැඩෙමින් තිබෙනවා.
මේ කම්කරු අරගල මැඩ යටපත් කරීමේ ප්‍රජාතන්ත්‍ර විරෝධී මර්දනය දිගේලි කිරීමට අවශ්‍ය උසස්ම තාක්ෂනයෙන් පුහුනුකල සන්නද්ධ හමුදාවන් සූදානම් කිරීම සදහා කොතලාවල ආරක්ෂක විශ්ව විද්‍යාල පනත ආන්ඩුව ඉදිරියට ගෙනවිත් තිබෙනවා. නිදහස් අධ්‍යාපනයට වැය කපාහරින ගමන් මෙම ආයතන හරහා අධ්‍යපනය මුදලට විකිනීමට ද ආන්ඩුව පියවර ගනිමින් සිටිනවා.
වසංගතය මගින් උත්සන්න කෙරුනු අර්බුද මධ්‍යයේ මේ මහජන විරෝධී නව ලිබරල් ආර්ථික ප්‍රතිපත්ති වඩාත් කෲර ආකාරයෙන් ක්‍රියාත්මක කිරීම එයට විරුද්ධව පැන නගින කම්කරු පන්තික අරගල හා එයට ප්‍රකාශනය හා තොරතුරු හා දැනුම සම්පාදනය කරන විකල්ප මාධ්‍ය හා සමාජ මාධ්‍ය ඇතුලු ප්‍රකාශන මාධ්‍යයන් අවහිර කිරීම හා සාපරාධනීකරනය කිරීමකින් තොරව සිදු කල නොහැකි බව ලොව අන් හැම රටකම ධනපති ආන්ඩු වගේම රාජපක්ෂ ආන්ඩුවත් හොදින් දන්නවා. පසුගිය මාස කිහිපය තුලදීම සමාජ මාධ්‍ය තුලින් ආන්ඩුව විවේචනය කල තරුනයන්, පරිසරවේදීන්, වෛද්‍යවරුන් හා සෞඛ්‍ය සේවකයන් ඇතුලු ක්‍රියාකාරිකයන් පොලිස් අත්අඩංගුවට ගෙන වසංගත පාලන නීති යටතේ නඩු පවරනු ලැබුවා. වසංගතය පාලනය සඳහා ආන්ඩුව දක්වන මාරාන්තික නොසැලකිල්ල පිලිබදව සෞඛ්‍ය සේවයේ කම්කරුවන් සිදුකරන විවේචනය කිරීම් හා තෙරතුරු බෙදා ගැනීම් වාරනය කිරීම සඳහා, රජයේ සේවකයන්ට දාල වන ආයතන සංග්‍රහයේ වගන්ති යොදාගැනීමට තර්ජනය කර තිබෙනවා. ජුනි මස මුලදී පොලීසිය නිවේදනය කලේ "අසත්‍ය තොරතුරු" සමාජ මාධ්‍ය තුල පලකරන්නන් මර්දක පනත් ගනනාවක් යටතේ අධිකරන නියෝගයකින් තොරවම අත්අඩංගුවට ගන්නා බව යි. වරාය කම්කරුවන්ට හා විශ්ව විද්‍යාල ශිෂ්‍යයන්ට එරෙහිවත් එවැනි තහනම් පනවා තිබෙනවා. මෙලෙස අත්අඩංගුවට ගැනීම සඳහා සමාජ මාධ්‍ය හා අන්තර්ජාලය පීරා ආන්ඩු විරෝධී විකල්ප මත පලකරන්නන් අත්අඩංගුවට ගැනීමට විශේෂ පොලිස් හා මිලිටරි ඒකක පිහිටුවා තිබෙනවා. ගම්මාන මට්ටමෙන් මහජනතාවට එරෙහිව ඔත්තු බැලීම සඳහා ආරක්ෂක රාජ්‍ය ඇමති සරත් වීරසේකර ආරක්ෂක කමිටු පිහිටුවා තිබෙනවා.
2008 ආර්ථික අර්බුදය යටතේ නට්ටං වුනු ඒක්සත් ජලපදය ප්‍රමුඛ ලෝකයේ ප්‍රධාන ධනපති ආර්ථිකයන්ගේ සිට අර්ථික සංවර්ධනයේ පසුගාමී රටවල් දක්වා හැම රටක්ම, එයින් වසර 12 කට පසු, වලක්වාගත හැකිව තිබූ වසංගතයේ ඛේදවාචකයෙන් පෙර නෙවූ විරූ ලෙස උග්‍ර කෙරුනු ආර්ථික හා දේශපාල අර්බුදවල කරවටක් ගිලී ගොස් තිබෙනවා. සමාජමාධ්‍ය වාරනය ඇතුලු ප්‍රජාතන්තවාදී අයිතීන් මැඩීම, පොලිස්-මිලිටරි රාජ්‍යයන් හා ආඥාදායකත්වයන් කරා ගමන් කිරීම, වාර්ගික බේදකිරීම් ඇවිලවීම හා අධිරාජ්‍යවාදී මැදිහත් වීම් සහ යුද්ධය යන මේවා ධනපති ආර්ථිකයේ හැම මහාද්වීපයකටම පොදු ජාත්‍යන්තර ප්‍රපංචයන් බවට පත්ව තිබෙනවා. හැම රටකම පාහේ කම්කරු පන්තිය දස දහස් ගනනින් දෛනික ව අරගල මාලාවන්ට පිවිසෙමින් තිබෙන්නේ ලංකාවේ කම්කරු පන්තිය අත්විඳන මෙම ජීවන කොන්දේසි වලම අඩු වැඩි තත්වයන්ට විරුද්ධව.
අහ්නාෆ්, හිස්බුල්ලා, කෝකිලන් වැනි, මෙසේ ධනපති පාලක පන්තියේ දේශපාලන අවශ්‍යතා මත, පොලීසිය, මිලිටරිය, අධිකරනය, බන්ධනාගාර ආදියෙන් සමන්විත සමස්ථ මර්දන යාන්ත්‍රනය ක්‍රියාවට දමමින්, ආන්ඩුව සිරගත කර තිබෙන සියගනනින් දේශපාලන සිරකරුවන් නිදහස් කරගැනීමටත්, මෙම ප්‍රජාතන්ත්‍ර විරෝධී ප්‍රහාරයන්ට විරුද්ධව ප්‍රජාතන්ත්‍ර අයිතීන් ආරක්ෂා කරගැනීමටත් අවශ්‍ය සත්‍ය වැඩපිලිවෙල කුමක්ද යන්න සොයා බැලීම හා එම වැඩපිලිවෙල සමඟ බද්ධ වීම එම අයිතීන් අගයන හැම කෙනෙකුගේම වගකීමක් වෙනවා.
එහිදී ඒ හැම දෙනාටම අභිමුඛ වන ප්‍රධානම අභියෝගය බවට පත්වන්නේ තමන් හැරි ගත යුතු දේශපාලන දිශානතිය කවරක් ද යන්න යි. ප්‍රජාතන්ත්‍ර අයිතීන් රැකීම සඳහා යැයි කියමින් මහජනතාවට බොරු වලවල් කපමින් සිටින, විශේෂයෙන් ඊනියා වාම සංවිධානවල දේශපාලන යථාර්ථය තේරුම් කර ගැනීම මෙම දේශපාලන හැරීගැනිමේ පලමු හා වැදගත්ම පියවර යි.
ප්‍රජාතන්ත්‍ර අයිතීන් සදහා වන මෙම අරගලයේ එකිනෙකට හරියටම ප්‍රතිවිරුද්ධ දශානති දෙකක් හදුනාගත හැකියි. එහි පලමු වැන්න, "දූෂිත" ආන්ඩු පත්කර ගැනීම සම්බන්ධව මහජනතාවට දොස් තබමින්ද, සිංහල වර්ගවාදය තුල කිදාබැස ඇතැයි මහජනතාවට දෙස් දෙමින් ද, කම්කරු පන්තිය දෙසට හැරීම වෙනුවට පීඩක ධනපති පාලක ආන්ඩුවලට හුදු විරෝධතා පෑම හරහා බලපෑම් දැමීමෙන් හා ඇවිටිලි කිරීමෙන් මෙම මහා පන්ති යුද්ධය නැවතිය හැකියැයි ද, පාලක ආන්ඩුවල සීග්‍ර දකුනට රූටා යාම නැවතිය හැකියැයිද පෙන්වා කම්කරු පන්ති අරගල පීලි පැන්නවීමේ හා ධනපති ක්‍රමයට අත්‍යවශ්‍ය මුක්කුව සැපයීමේ ප්‍රතිගාමී ව්‍යාජ වාම වැඩපිලිවෙල යි. පෙරටුගාමී සමාජවාදී පක්ෂය ප්‍රමුඛ මාධ්‍ය සංවිධාන හා ලේඛක සංවිධාන රොත්තක්ම මේ ගොඩට අයත් ය.
ධනපති සංස්ථාපිතයේ පක්ෂයක් බවට පරිවර්ථනය වී ඇති ජනතා විමුක්ති පෙරමුනේ (ජවිපෙ) දේශපාලනයෙන් ඓන්ද්‍රීයව වෙන්වී නැති පෙසප, ජවිපෙ සමග ලැග සිටි කාලයේ එහි පුබුදු ජයගොඩ ප්‍රමුඛ නායකයෝ පැවති මහින්ද රාජපක්ෂ ආන්ඩුවේ දමිල ජනතාවට එරෙහිව වර්ගවාදී යුද්ධයට සියලු ආකාරයෙන් දරදිය අදිමින්, එහි වර්ගවාදී උද්ඝෝෂනයට ඉන්දන සැපයුවා. වර්තමානයේදීද සිංහල වර්ගවාදී නඩ සමඟ ඔවුන් එක පෙලට සිට ගන්නවා. කම්කරුවන්ගේ ප්‍රකාශනයේ නිදහස ඇතුලු ප්‍රජාතන්ත්‍රීය අයිතීන් කප්පාදුව පිලිබඳ මේ සංවිධාන ආන්ඩුවට නිහඬ අනුමැතිය දෙමින් සිටිනවා.
අහනාෆ් හා හිස්බුල්ලා නිදහස් කරන ලෙසත් ප්‍රජාතන්ත්‍රීය අයිතීන් උල්ලංගනය නොකරන ලෙසත් හිස් ආයාචනා කිරීම සඳහා පසුගියදා විශ්ව විද්‍යාල ආචාර්යවරු සියයකට ආසන්න ප්‍රමානයක් ආන්ඩුවට විවෘත ලිපියැක් යැව්වා.
මෙම ව්‍යාජ ව්‍යාපාරයන්ට විරුද්ධව, අප ක්‍රියාකාරී කමිටුවත්, ලෝක සමාජවාදී වෙබ් අඩවියත්, ජාත්‍යන්තර කමිටුවත් දේශපාලන සිරකරුවන් නිදහස් කරගැනීම වගේම ප්‍රජාතන්ත්‍ර අයිතීන් ආරක්ෂාව සඳහා ඉදිරිපත් කරන්නේ, දේශීයවත්, ලොව පුරාත් කම්කරු පන්තියේ අරගලයන් ඒකාබද්ධ කර සංවිධානය කරන පුලුල් දේශපාලන සටනක්. ධනපති ප්‍රහාරයේ මූලය වන ධනපති පන්ති පාලන ක්‍රමයම හා එය රඳා සිටින ආර්ථික ක්‍රමයමත් මුලිනුපුටා දමා කම්කරු පන්තිය වෙත දේශපාලන බලය උදුරාගෙන පිහිටුවනු ලබන ජාත්‍යන්තර සමාජවාදී ක්‍රමයක් පිලිබඳ ඉදිරි දර්ශනය යටතේ එම සටන් සන්නද්ධ කල යුතුව පවතිනවා. කලාකරුවන්ට, මාධ්‍යවේදීන්ට, ලේඛකයන්ට හෝ විශ්ව විද්‍යාල ආචාර්යවරුන්ට හෝ බුද්ධිමතුන්ට, කලාව, ප්‍රකාශනයේ නිදහස හෝ ප්‍රජාතන්ත්‍ර අයිතීන් ආරක්ෂාව සඳහා, කම්කරු පන්තිය, තම ජීවන කොන්දේසි කපා දමන ධනපති සමාජ ප්‍රතිවිප්ලවයට, අසමානතාවයට, අධිරාජ්‍යවාදී යුද්ධයට, මිලිටරීකරනයට, පුද්ගලීකරනයට හා ආඥාදායකත්වයට එරෙහිව, ක්‍රියාවට දමනු ලබන සමාජවාදී ජාත්‍යන්තරවාදී සටන සමඟ බද්ධවිම හැර වෙනත් දිශානතියක්, මාවතක් නැත.
අහ්නාෆ්ගේ නිදහස සදහා වන දේශපාලන තීන්දුව ධනපති පාලකයන්ගේ බෝඩ් රූම් තුල ගනු ලැබෙනු ඇත්තේ මහජනතාව විසින් පාලකයන් මත මුදාහරින එවන් දැවැන්ත පීඩනයක් තුල පමනකි.
මෙම වැඩපිලිවෙලට දේශපාලන නායකත්වය, ඉදිරි දර්ශනය, හා ප්‍රකාශනය ලෝක සමාජවාදී වෙබ් අඩවිය හා සමාජවාදී සමානතා පක්ෂ සම්පාදනය කරනවා.
මෙම අරගලය සඳහා, ඇමරිකානු අධරාජ්‍යවාදී ආක්‍රමනික හමුදාවල යුධ අපරාද හෙලිදඑරව් කිරීම නිසා වසර 175 ක සිර දඩුවමක අන්තරායට මුහුන දී සිටින ජුලියන් අසානජ් ආරක්ෂා කිරීම සඳහා ලොවපුරා සමාජවාදී සමානතා පක්ෂ කැඳවනු ලැබූ ගෝලීය ආරක්ෂන කමිටුව ඇතුලු දේශපාලන වැඩසටහන දැවැන්ත තාත්ත්වික ආදර්ශක් සපයයි. අද ඔබ අමතන සක්‍රිප්ස් සහෝදරයා මේ ලිපිබඳ සඳහන් කරනු ඇති.
කෙසේ නමුත්, ධනපති ක්‍රමයට හා අධිරාජ්‍යවාදී පද්ධතියට ඓන්ද්‍රියව බද්ධව සිටින කම්කරු පන්තියේ සාම්ප්‍රදායික සංවි්ධාන වන වෘත්තිය සමිති හෝ ව්‍යාජ වාම සංවිධානවලට මහජනතාවගේ ප්‍රජාතන්ත්‍රීය හෝ සමාජ අයිතීන් කිසිවක් දිනා දීමේ හැකියාවක් නැහැ. නිශ්පාදනයේ භූගෝලියකරනය තුල ජාතිකවාදී ප්‍රතිසංස්කරනවාදය මත පදනම්වන මෙම වාම කොටස්වල මෙම නොහැකියාව වෛශයික සත්‍යයක්. කම්කරු පන්තිය මත පදනම්වූ හා එයින් සැදුම් ලත්, තමන් වනුවෙන් තමන් විසින්ම ප්‍රජාතන්ත්‍රවාදී ලෙස තීරන ගනු ලැබෙන ස්වාධීන කම්කරු ක්‍රියාකාරී කමිටු ගොඩනැගීමේ දැවෙන අවශ්‍යතාවය මතුව ඇත්තේ එබැවිනි.
ජාත්‍යන්තර කමිටුව ඉදිරියට ගෙන ඇති, කම්කරුවන්ගේ ක්‍රියාකාරී කමිටුවල ජාත්‍යන්තර සංධානයක කොටසක් වශයෙන් ක්‍රියාත්මක වෙමින් සිටින, අප කලාවේ හා ප්‍රකාශනයේ නිදහස ආරක්ෂා කිරීමේ ක්‍රියාකාරී කමිටුව සටන් කරමින් සිටින්නේ එම දේශපාලන වැඩපිලිවෙල හා ඉදිරි දර්ශනය මතයි. ලංකාවේ අධ්‍යපන, සෞඛ්‍ය හා වතු කම්කරු ක්ශේෂ්ත්‍රවල ක්‍රියාකාරී කමිටු සමග අපගේ එම අරගලය අපි ඒකාග්‍ර කර තිබෙනවා. මේ රැස්වීමමත් එම අරගලයේ ප්‍රධාන ඉදිරි පිම්මක්. එම කමිටු නියෝජිතයින් අද මෙම රැස්වීමේ දී ඔබ ඇමතනු ඇති.
මෙම විප්ලවවාදී සැබෑ මහජන වැඩපිලිවෙල සමග අත්වැල් බැදගන්නා ලෙස මම ඔබට ඇරයුම් කරනවා.
ස්තූතියි!
ආශ්‍රිත ලිපි:
Bloomberg says Sri Lanka is the highest risk of foreign debt default in Asia https://www.wsws.org/en/articles/2021/07/17/seco-j17.html
Class war at Volvo and the fight for rank-and-file committees https://www.wsws.org/en/articles/2021/07/12/pers-j12.html
Julian Assange’s freedom depends on the mobilisation of the working class https://www.wsws.org/en/articles/2021/07/05/pers-j05.html
The American working class must come to Assange’s defence! https://www.wsws.org/en/articles/2021/06/10/pers-j01.html
May Day 2021 and the global class struggle https://www.wsws.org/en/articles/2021/05/03/pers-m03.html
Forward to the International Workers Alliance of Rank-and-File Committees! https://www.wsws.org/en/articles/2021/04/24/pers-a24.html
For a worldwide campaign to prevent Julian Assange’s rendition to the US!
For the formation of a Global Defense Committee to secure his freedom! https://www.wsws.org/en/articles/2019/06/20/pers-j20.html
What is the pseudo-left? https://www.wsws.org/en/articles/2015/07/30/pers-j30.html
No comments:
Post a Comment