මිලිටරි මුරකාවල් මධ්‍යයේ ආන්ඩුව රටපුරා කම්කරුවන් වැඩට කැඳවයි

දිවයින තුල උත්සන්න වී ඇති කොරෝනා වසංගතයට දහස් ගනන් මහජනයා ගොදුරු කිරීමේ කොන්දේසි නිර්මානය කරමින්, ඇඳිරිනීතිය පනවා ඇති ප්‍රදේශවල ද රාජ්‍ය හා පෞද්ගලික අංශයේ සේවා හා නිෂ්පාදන ආර්ථිකය ලබන සඳුදා (11) සිට විවෘත කිරීම ට  ශ්‍රී ලංකා ආන්ඩුව තීරනය කර ඇත. 

රටපුරා කම්කරුවන් නැවත වැඩට කැඳවනු ලැබෙන අතර ඒ දැඩි පොලිස් හා මිලිටරි මුරකාවල් මධ්‍යයේය. වසංගත තත්ත්වය සාමාන්‍යකරනයට ලක්කරමින් එය සමඟ ජීවත්වෙමින් වැඩකිරිමට බලකරන අතර, කිසිදු සෞඛ්‍ය ආරක්ෂන වැඩපිලිවෙලක් සම්පාදනය කිරීමකින් තොරව රෝගයට ගොදුරු නොවී සිටීමේ වගකීම ආන්ඩුව මහජනයා පිට පවරා තිබේ. 

මැයි 01 දා ජනාධිපති ගෝඨාභය රාජපක්ෂගේ මාධ්‍ය අංශය නිකුත් කර ඇති නිවේදනයක් හරහා නියෝග කරනු ලැබ ඇත්තේ "දෛනික ජන ජීවිතය හා ආයතනික ක්‍රියාකාරීත්වය" මැයි 11 සිට කොලඹ, ගම්පහ, කලුතර හා පුත්තලම යන දිස්ත්‍රික්කවල ඇඳිරිනීතිය පවතිද්දීම ආරම්භ කල යුතු බවයි. "අත්‍යාවශ්‍ය සේවා" පවත්වා ගැනීම ඇතුළු ජනජීවිතය සහ ආර්ථිකය "යථා තත්ත්වයට පත් කිරීම" පිනිස රාජ්‍ය, පෞද්ගලික දෙඅංශයේ ආයතන විවෘත කොට පවත්වාගෙන යා යුතුය.

නව නියෝගය අප්‍රේල් 25 නිකුත් කර ඇති නියෝගයේ කොන්දේසි අදාල කරගනී. ඒ අනුව පාරිභෝගික ද්‍රව්‍ය වෙලඳ ස්ථාන සහ  රාජ්‍ය ආයතන සේම පෞද්ගලික අංශයේ කර්මාන්තශාලා, ගොඩනැගිලි ඉදිකිරීම් ව්‍යාපාර හා සේවා ස්ථාන විවෘත කල හැකිය. 

සේවා මුර ක්‍රමයට රාජ්‍ය හා පෞද්ගලික අංශයේ  සේවයට කැඳවිය යුතු සේවක සංඛ්‍යාව සහ සේවයට කැඳවන්නේ කුමන සේවකයන්ද යන්න තීරනය කිරීමේ පූර්න අභිමතය ආයතන ප්‍රධානියා සතුය.  රාජ්‍ය අායතනවල සේවයට කැඳවිය යුත්තේ මුළු සේවක සංඛ්‍යාවෙන් ⅓ ක් හෝ අවම ගනනකි. සෙසු සේවකයන් නිවසේ සිට ⁣රාජකාරිවල නියැලිය යුතුය. පුද්ගලික ආයතනවල මෙවන් සීමාවක් නිශ්චිතව පනවා නැත්තේ ආයතන අයිතිකරුවන්ට තමන්ට අවශ්‍ය පරිදි සේ්වක සංඛ්‍යාව කප්පාදු කිරීමේ නිදහස ලබාදීම සඳහාය.

සේවා ස්ථානවලට ගමන්කිරීම හැර "ජනයා අනවශ්‍ය ලෙස මහාමාර්ගයට පැමිණීම සහ වෙනත් ස්ථානවල එක්රැස්වීම" නොකල යුතුය. එනම් වෙනත් සියලු මහජන ඒකරාශී වීම් ඇඳිරිනීතිය කඩකිරීම හෝ නිරෝධායන නීති යටතේ පුද්ගලයන් අත්අඩංගුවට පත්කෙරෙන අවස්ථා ලෙස ක්‍රියාත්මක වෙනු ඇත. 

මාර්ගයේ හා ආයතනවල සමාජ දුරස්ථතාවය, මුඛ ආවරන පැලදීම ආදී "නියමයන් කඩ කරන්නේදැයි පොලීසිය සහ ආරක්ෂක හමුදා දැඩි සෝදිසියෙන් සිටිනු ඇත," යනුවෙන් නියෝගයේ සඳහන්ය. මෙම අනතුරු ඇඟවීම  ඇඳිරි නීතිය ඉවත් කිරීමෙන් පසු කොලඹ

"ප්‍රදේශය යුද කාලයේ තිබුනා වගේ පාලනයක් ඇතිකරලා විනයක් ඇතුව හික්මීමක් ඇතුව" පාලනය කිරීම සඳහා පොලීසිය හා මිලිටරිය යොදනබවට ජනාධිපති රාජපක්ෂ අප්‍රේල් 20 කල ප්‍රකාශය තහවරු කිරීමකි.  එනම් කම්කරුවන් වැඩට යෙදවෙනු ඇත්තේ දැඩි හමුදා මුරකාවල් මධ්‍යයේය. මෙහි අර්ථය නම් කිසියම්ම හෝ කම්කරු විරෝධයක් වර්ධනය වීම මුල් අවස්ථාවේදීම සිඳීම සඳහා මිලිටරිය යොදාගනු ඇති බවය.

මීට පෙර, මැයි 04 සිට මෙම නව විවෘත කිරීමේ සැලසුම ක්‍රියාත්මක කිරීමට සූදානම් කෙරී තිබුනු නමුදු පසුව එය කල් තැබිනි. එහි කොන්දේසි දක්වමින් අප්‍රේල් 25 නිකුත් කල නියෝගයේ කම්කරු පීඩිත මහජනතාව "සියලු අපහසුතා" ඉවසා සිටිය යුතු අතර "සමාජයේ යහපතට" භාධාවන අයුරින් කටයුතු කරන අයට පවතින නීතිය යටතේ "උපරිම දඬුවම්" පමුනුවනු ලබන බවට අනතුරු අඟවා ඇත.

ආන්ඩුව සඳහන් කරන "සමාජයේ යහපත" යන්නෙහි මූලික අර්ථය නම් වසංගතය මධ්‍යයේ ලෝක ආර්ථික හා මූල්‍ය අවපාත තත්ත්වයන් යටතේ සංකෝචනය වී ඇති දේශීය ධනපති ආර්ථිකය ප්‍රකෘති කිරීම හැර අන් කිසිවක් නොවේ. එම ආර්ථිකය ප්‍රකෘතිමත් කිරීම සඳහා තම ජීවිත පූජා කිරීමට සාමකාමීව සූදානම් වන ලෙස ය කම්කරු මහජනතාවට ජනාධිපති කියා සිටින්නේ.

කිසිදු විද්‍යාත්මක සෞඛ්‍ය ආරක්ෂන වැඩසටහනක් ක්‍රියාවට දමා නැති අතර, දුම්රිය හා බස්රථ හරහා දස දහස් ගනනින් සේවයට පැමිනෙන කාර්යාල හා කර්මාන්ත කම්කරුවන් ප්‍රවාහනයේදීත්, වැඩභූමි තුලත් වසංගතයට ගොදුරුවීමේ කොන්දේසි වලට යටත් කෙරී ඇත. කම්කරුවන් වැඩට පැමිනෙන්නේ තමන් රෝගීවෙමින්, තම නිවෙස්වල දරුවන් හා වැඩිහිටියන් ඇතුලු ආදරනීයයන් වසංගතයට ගොදුරු කිරීමේ රෝග වාහකයන් වීමේ භීතියද සමඟිනි.

අප්‍රේල් 20 සිට රටේ සෙසු දිස්ත්‍රික්ක වල ඇඳිරිනීතිය දිවා කාලයේ බල නොපැවැත්වෙන බැවින් සෑම ක්ශේෂ්ත්‍රයකම කම්කරුවන් දෛනික ආර්ථික කටයුතුවල සාමාන්‍ය පරිදි යෙදීමට බලකෙරී ඇත. රටපුරා නිදහස් වෙලඳ හා ආයෝජන ප්‍රවර්ධන කලාප ඇතුලු කර්මාන්ත ශාලාවල කම්කරුවන් ⁣මෙලෙස වැඩට කැදවනු ලැබිනි.

මෙම විධායක නියෝග රටේ කම්කරු පන්තිය දශක ගනනාවක් අරගල හරහා දිනාගත් සීමිත අයිතීන් පිලිබඳ නීති අවඥා සහගත ලෙස බැහැර කරයි. රට මෙලෙස වැඩ සඳහා විවෘත කිරීම, අගුලු දැමීමේ කොන්දේසි නිසා තම ලාභ සිඳීයාම පිලිබඳ ධනපති ව්‍යපාරිකයන් හා හාම්පුතුන් ගේ කන්නලව් වලට රාජපක්ෂ ආන්ඩුවේ සෘජු ප්‍රතිචාරය යි.

අප්‍රේල් 17 දා ඩේලිඑෆ්ටී පුවත්පතේ ද, පසුව ලංකා හාම්පුතුන්ගේ සම්මේලනයේ (ලංහාස) වෙබ් අඩවියේද  පලකල ජනාධිපති වෙත යොමුකල "හදිසි ආයාචනයක්" මගින් ධනපති හාම්පුතුන් වෙනුවෙන් ලියන ෆෑන්කිලින් අමරසිංහ තම පන්තිය සඳහා වරප්‍රසාද ඉල්ලා සිටියේය.  ලංකාව තුල ඇති කම්කරුවන්ගේ සේවය අවසන් කිරීමේ (1971 අංක 45) පනත වැනි  "කම්කරු ආරක්ෂාව සඳහා ඇති (නීතිමය) අවි" අත්හිටවනු ලැබිය යුතු බව නිර්දේශ කරන ඔහු, "නිදහස් වෙලඳාමට මානුෂීය මුහුනුවරක්" ගෙන එ⁣මින් ව්‍යාපාර ආරක්ෂා කරගැනීම සදහා "සමාජවාදී ආර්ථිකයකට" සුදුසු කම්කරු නීති, අත්හිටුවීමේ ශක්තිමත් දේශපාලන නායකත්වයක් අවශ්‍යයැයි කියා සිටී. මේ සඳහා ජනාධිපති විසින් වෘත්තීය සමිති එකඟකරවා ගත යුතුය.

ව්‍යපාර කිරීම සඳහා ඇති අයිතිය රටේ කම්කරු නීතිය අභිබවා  ව්‍යවස්ථාවෙන්ම දී ඇති මූලික අයිතියක් ලෙස හදුන්වන අමරසිංහ, "සමාජ සාධාරනත්වය" යන්න අර්ථකතනය කල යුත්තේ රජයේ ඇඟිලිගැසීමකින් තොරව සමාගම් ප්‍රතිව්‍යුහගත කිරීම, වන්දි ප්‍රදානය කිරීම සම්බන්ධව වෘත්තීය සමිති සමඟ සාකච්ඡා මගින්  අභ්‍යන්තරව විසඳා ගැනීම යනාදී  ව්‍යාපාරවල මූලෝපායික තීරනයන් ගැනීමට සමාගම්වලට ඇති "නිදහස" බව කියා සිටී. 

ලංහාස ආන්ඩුවට අප්‍රේල් 25 යැවූ ලිපියක මෙම යෝජනා ක්‍රියාත්මක කිරීමේ වඩා සංයුක්ත වැඩපිලිවෙලක් යෝජනා කලේය. තම විධායක බලය යොදවමින් කම්කරු පන්තියට එරෙහිව රාජපක්ෂ දැන් අකුරටම ඉටුකරමින් සිටින්නේ ධනපති පන්තියේ මෙම පන්ති යුද්ධයේ අවශ්‍යතාවයන් ය. 

මහජනතාවගේ සෞඛ්‍යය හා ජීවිත ආරක්ෂනය නොව ධනපති සූරාකෑමේ ලාභ පද්ධතිය රැකීම ආන්ඩුවේ මූලික උත්සුකය බව සෞඛ්‍ය අමාත්‍ය පවිත්‍රා වන්නිආරච්චි පසුගියදා  මාධ්‍යයට මෙසේ ප්‍රකාශ කලාය:  "අපට තියෙන්නෙ මේ රටේ ආර්ථිකය නැගිටිටවීමෙි වගකීම. ආර්ථිකය සම්පූර්නයෙන් වහලදාල රටක් යන්නෙ කොහොම ද? ඒකයි අපිට තියෙන ප්‍රශ්නය". 

ආර්ථිකය විවෘත කිරීමේදී රෝගය වැලදීමේ වගකීම කම්කරු මහජනතාව මත පටවමින් අමාත්‍යවරිය නරුම ලෙස ⁣සදහන් කලේ, " රෝග ලක්ෂන පෙන්නුම් නොකරන රෝගීන් ඔබ අසල ගැවසිය හැකි" බවත්,  රෝගය වැලදීම වලක්වාගැනීමට "සමාජ දුරස්ථකරනය තබා ගනිමින් ඔබ දෛනික කටයුතුවලට යොමු වන්න," යනුවෙනි.

අද (08) වන විට රට තුල කොරෝනා වෛරසය ආසාධිතයින් ගනන 824 ක්ද මරන 09ක් ද  වේ. සිදුකෙරෙන අවම පරීක්ෂන ප්‍රමානය යටතේ උවද, වසංගතයේ ආසාධිතයන් සොයාගැනීමේ සීග්‍රතාවය පසුගිය සති දෙක තුල අවම වශයෙන්  දිනකට 30 ක සාමාන්‍යයක් දක්වා ඉහල ගොස් තිබේ. සාමාන්‍ය ජන ජීවිතය ආරම්භ කිරීමට හැකි කිසිදු විද්‍යාත්මක පසුබිමක් නැතබව වසංගත විද්‍යාඥයන් ගනනාවක් අනතුරු අඟවා තිබේ. 

ආර්ථික කටයුතු නැවත විවෘත කිරීමේ සැලැස්මේ සැබෑ අන්තර්ගතය රාජපක්ෂ ආන්ඩුවේ අමාත්‍ය දිනේශ් ගුනවර්ධන පෙරේදා පැහැදිලිව ප්‍රකාශ කලේය. කම්කරු අමාත්‍යංශය, හාම්පුතුන්ගේ සම්මේලනය හා වෘත්තීය සමිති සමඟ ආන්ඩුව එකඟවී ඇත්තේ කම්කරුවන් සේවයෙන් පහ නොකරන නමුත් ඔවුන්ගේ වැටුප් භාගයකින් කපා හැර මුර ක්‍රමයට සේවයේ යොදවා ගැනීමටයි. ඒ අනුව අවම වැටුව රුපියල් 14,500ක් දක්වා කපා හැරේ. 

සත්‍යය වන්නේ සේවයෙන් පහකිරිම් දැනටමත් සිදුකෙරෙමින් පවතින බවයි. සොෆ්ට්ලොජික් හා ජෝන්කීල්ස් සංගත ද, ඇගලුම් කම්හල් හිමියන්ද,  අවුරුදු 50 වඩා වයසැති කම්කරුවන් දොට්ට දැමීම, අර්ථසාධක හා සේවක භාරකාර අරමුදල් මාස හයකට නොගෙවීම සහ අතිකාල දීමනා අත්හිටුවීම ආදී කප්පාදු නිවේදනය කර ඇත.

රටේ ආර්ථික සංවර්ධන වේගය 1.5% දක්වා පහල වැටීම හේතුවෙන් පහලයන ලාභ රේට්ටු යථාවත් කිරීම සඳහා කර්මාන්ත තුල මෙසේ යොදවන අවම ශ්‍රමිකයන් සංඛ්‍යාවන් දැඩි සූරාකෑමට ලක්කිරීමට නියමිතය. අයවැය පරතරය දල දේශීය නිෂ්පාදනයෙන් 7.9% දක්වා ඉහල ගොස් ඇති අතර ඩොලර් බිලියන 55.9 ක  දැවැන්ත නය කන්දරාවත් ගෙවීමේ කොන්දේසි යටතේ විශාල සමාජ සුභසාධන සේවා හා වැටුප් කප්පාදු කිරීමට කම්කරුවන් ගොදුරු කෙරෙනු  ඇත.

වසංගතය හේතුවෙන් 20% ක් ආදායම් පහල හෙලුනහොත්, දකුනු ආසියාවේ මිලියන 129ක් දුප්පත්කමට ඇදවැටෙනු ඇති බව  ඔක්ස්ෆෑම් ආයතනය පුරෝකතනය කරයි.

වසංගතයට අදාල සෞඛ්‍ය සේවාවන් ඉහල නැංවීම සඳහා කිසිදු අමතර මුදලක් වෙන්කර නැති අතර ව්‍යාපාර හා බැංකු ගලවා ගැනීම සඳහා මහ බැංකුව රුපියල් බිලියන 50ක මුදල් පොම්ප කරමින් හා පොලී අනුපාත සහන ලබාදෙමින් තිබේ.

කැබිනට් ප්‍රකාශකයෙකු වන බන්දුල ගුනවර්ධන පෙරදින සඳහන් කල ආකාරයට, ලංකාවේ මෙලෙය ක්‍රියාත්මක කෙරෙන්නේ ජාත්‍යන්තරව ඇමරිකාව, එංගලන්තය, ජර්මනිය සිට නවසීලන්තය හා ඉන්දියාව දක්වා ධනපති ආන්ඩුවල කම්කරු මහජනතාව නැවත වැඩට දැක්කීමේ සාපරාධී, සමූලඝාතක වැඩපිලිවෙලේ  අනුකාරකයකි. 

ලොව පුරා ධනපති න්‍යායාචාරයවරුන්ට මෙම මානව ව්‍යවසනය, වෙලදාමේම තවත් හර කොටසක් පමනි. මරනය හා රැකියාව හෝ ජීවිතය හා විරැකියාව යන දෙආකාරයෙන් එකක් තෝරාගැනීමේ තැනට මේ සියලු ධනපති නියෝජිතයෝ කම්කරුවන් තල්ලු කර ඇත.

කොරෝනා මැඩීමේ මුවාවෙන් කෙරෙන ආන්ඩුවේ මිලිටරීකරන වැඩපිලිවෙලට  හා නැවත වැඩට කැඳවීමේ  සැලැස්මට ඊනියා විරුද්ධ පක්ෂ සෑම එකක්මද සෘජුව හෝ වක්‍රව සහාය පලකර තිබේ. කම්කරු ජීවිත මරනයේ අන්තරාය වෙත ඇද දමමින් ඔවුන්  දරිද්‍රතාවයේ පතුලටම හා බරපතල සූරෑකෑමට තල්ලු කිරීම සඳහා පාලක පන්තිය පිඹුරුපත් සකසා ඇත්තේ වෘත්තීය සමිතිවලද සහාය සහිතවය.

එහෙත්, තම දිවි පරදුවට තබමින් රැකියාවල නිරත වීමට බලකිරීම, වැටුප් හා රැකියා කප්පාදුව ආදිය පිලිබඳ කම්කරුවන් ආන්ඩුවට එරෙහිව පෙලගැසෙමින් තිබේ. දැනටමත්, වතු කම්කරුවන්, රෝහල් හෙද නිලධාරීන්, මහජන සෞඛ්‍ය පරීක්ෂකවරුන්, සංවර්ධන නිලධාරීන්, තැපැල් සේවකයන් හා පතල් කම්කරුවන් මෙසේ සටනට පිවිස  ඇත.

මිලිටරිය දිගේලි කරමින් පාලක පන්තිය මෙම මාරක සැලැසුම්  ක්‍රියාත්මක කිරීමේ පියවර කම්කරුවන් ප්‍රතික්ශේප කල යුතුය. 

සම්පූර්න වැටුප්, දීමනා, විශ්‍රාම වැටුප් සහ රැකියා අහිමිවීම් සඳහා  පූර්න වන්දි  තහවරු කරගැනීම පිනිස සමිතිවලින් ස්වාධීනව තම අරගල ඉදිරියට ගනිමින් කම්හල් හා වැඩභූමි තුල කම්කරුවන් ක්‍රියාකාරී කමිටු පිහිටුවා ගත යුතුය.  

ඒ සඳහා දේශපාලන වැඩපිලිවෙලක් ඉදිරිපත් කරන "අනාරක්ෂිත වසංගත කොන්දේසි යටතේ ආපසු වැඩට යාමට විරුද්ධ වනු! රැකියා විනාශය එපා!" යනුවෙන් ශ්‍රී ලංකා සමාජවාදී සමානතා පක්ෂය (සසප) අප්‍රේල් 19 ලෝක සමාජවාදී වෙබ් අඩවියේ පල කල ප්‍රකාශයේ මෙසේ කියයි: 

"මෙම හදිසි කර්තව්‍යයන් අත්පත් කරගත හැක්කේ, ධනපති පන්තියෙන් නිෂ්පාදන බලවේග උදුරාගෙන, සමාජයේ බහුතරයේ අවශ්‍යතා සඳහා ඒවා තාර්කික ව සංවිධානය කිරීමෙන් පමනි. මෙම පියවරයන් ක්‍රියාවට දැමීම සඳහා නම්, දකුනු ආසියාවේ හා ජාත්‍යන්තර ව සමාජවාදය සඳහා අරගලයේ කොටසක් ලෙස කම්කරුවන්ගේ හා ගොවීන්ගේ ආන්ඩුවකට සටන් වැදීම අවශ්‍ය වේ."

මෙම ඉදිරිදර්ශනය හා වැඩපිලිවෙල සමඟ එක්වන්න.

Article on the same topic in wsws is here

ආඥාදායක පාලනයකට සූදානම් වෙමින් ආන්ඩුව මුස්ලිම් විරෝධී ප්‍රහාරයන් උත්සන්න කරයි

රටේ ව්‍යවස්ථාවට පිටින් රාජ්‍ය බලය ඩැහැගැනීම සූදානම් කරන අතර  මිලිටරියේ සහයෝගය රැලිකර ගනිමින්, ආඥාදායක පාලනයකට පාර කපමින් සිටින ශ්‍රි ලංකා ජනාධිපති ⁣ගෝඨාභය රාජපක්ෂ ප්‍රමුඛ පාලක පන්තිය, නව වටයකින් මුස්ලිම් විරෝධී උද්ඝෝෂනයක් ආරම්භ කර තිබේ.

ආන්ඩුව හා එයට පක්ෂ වර්ගවාදී නඩ හා මාධ්‍ය මේ සඳහා කොවිඩ්-19 (කොරෝනා) වසංගතය ව්‍යාප්තිය ට වගකීම මුස්ලිම් ජනතාවට පවරමින් වෛරී සහගත චෝදනා නැගීමද, රාජ්‍ය ආරක්ෂාව පිලිබඳව පාස්තු ඉරිදා  ප්‍රහාරයේ මතකයන් ගසාකෑමද යොදාගනිමින් සිටී. 

මෙහි ආසන්නතම සිද්ධිය නම්, පසුගිය වසරේ මුස්ලිම් අන්තවාදී පිරිසක් විසින් දියත්කල පාස්කු ඉරිදා ත්‍රස්ත ප්‍රහාරයට සම්බන්ධයැයි යන චෝදනාවක් මත මුස්ලිම් ජාතික නීතීඥවරයෙක් වන හෙජාස් හිස්බුල්ලා මාර්තු 14 දා අත්අඩංගුවට ගැනීමයි. 

ක්‍රිස්තියානි දේවස්ථාන සහ හෝටල් තුනක් ඉලක්ක කර ගනිමින් පසුගිය වසරේ පාස්කු ඉරිදා (අප්‍රේල් 21) සිදු වූ ත්‍රස්ත ප්‍රහාරයෙන් 270ක් පමන මිය ගොස් අවම වශයෙන් 500 ක් පමන තුවාල ලැබූහ. 

ත්‍රස්තවාදය වැලැක්වීමේ මර්ධක පනත යටතේ අපරාධ පරීක්ෂන දෙපාර්තමේන්තුව විසින් අත්අඩංගුවට ගෙන ඇති නීතීඥවරයාට එරෙහි නිශ්චිත චෝදනා මේ දක්වා ඉදිරිපත් කොට නැත.  සති තුනකට අධික කාලයක් ඔහුව අනීතික ලෙස රඳවා තබාගෙන සිටින්නේ, පුද්ගලික නීති සහාය ලබාගැනීමේ අවස්ථාව ඔහුට අහිමි කරමින් හා මේ දක්වා ඔහුව මහේස්ත්‍රාත්වරයෙක් වෙත ඉදිරිපත් නොකරමින් හෝ රැඳවුම් නියෝගයක් නොමැතිව⁣ය.

පිලිගතහැකි සාක්ෂි කිසිවක් ඉදිරිපත් නොකරමින්ම, පොලිස් ප්‍රකාශක ජාලිය සේනාරත්න මාධ්‍යයට ප්‍රකාශ කලේ, ත්‍රස්ත ප්‍රහාරයෙන් පසු සැලසුම් කල දෙවන ප්‍රහාරයක් සම්බන්ධව කල පරීක්ෂන වලදී, බෝම්බකරුවන් සමඟ නීතීඥ-සේවාදායක සම්බන්ධයකට එහා ගිය සෘජු සම්බන්ධතා නීතීඥවරයාට තිබූ බවට කරුනු සොයාගෙන ඇති බවයි.

වසර මුල සිටම ආන්ඩුව පාස්කු ප්‍රහාරය සම්බන්ධව පරීක්ෂන නව වටයකින් තීව්‍ර කල අතර සිරිසේන-වික්‍රමසිංහ ආන්ඩුව යටතේ දියත් කෙරුනු පොලිස් පරීක්ෂන උඩු යටි කරමින්, පරීක්ෂනයට සම්බන්ද පොලිස් නිලධාරීන් ඉවත් කරමින් නව අත්අඩංගුවට ගැනීම් සිදු කලේය. මේ අතර ප්‍රහාරය ගසා කෑම සඳහා ආන්ඩු ගැති මාධ්‍ය හරහා මුස්ලිම් විරෝධී වර්ගවාදී උද්ඝෝෂනය තීව්‍ර කරන ලදී. 

හිස්බුල්ලා අත්අඩංගුවට ගැනීමට සමගාමීව පාස්කු ප්‍රහාරය සම්බන්ධයෙන්ම පසුගිය රජයේ අමාත්‍යවරයෙක්ව සිටි රිසාඩ් බදුර්දීන් ගේ සහෝදරයෙක් වන මුස්ලිම් ජාතික මොහොමඩ් රියාජ් ද අත්අඩංගුවට ගැනිනි. ප්‍රතිගාමී මුස්ලිම් ජාතිකවාදය මත පදනම්වූ ඕල් සිලෝන් මක්කල් කොන්ග්‍රස් පක්ෂයේ නායකයා වන බදුර්දීන්, ආන්ඩුව තමාව අත්අඩංගුවට ගැනීමට සූදානමක් ඇතැයි දක්වමින් පසුගිය දා(මාර්තු 29) මූලික අයිතිවාසිකම් පෙත්සමක් ශ්‍රේෂ්ඨාධිකරනයට ඉදිරිපත් කලේය.

පාස්කු ප්‍රහාරය සම්බන්ධව මේ දක්වා  පුද්ගලයන් 120 ක් අත්අඩංගුවට ගෙන 40ක් රැඳවුම් නියෝග මත රඳවා ඇති බවට වාර්ථා තිබේ. මෙසේ රඳවා තබා ඇති අතිශය බහුතරයක් මුස්ලිම් ජාතිකයන් වේ. 

ත්‍රස්ත ප්‍රහාරය සම්බන්ධ සමස්ථ "පරීක්ෂන" දාමය තුලම මහජනතාවගේ ආරක්ෂාව පිලිබඳ කිසිදු හෝ උත්සුකයක් පාලක පන්තියට ඇතැයි යන මිත්‍යාවක් කම්කරු මහජනතාව එකහෙලා ප්‍රතික්ෂේප කල යුතුය. ප්‍රහාරය සම්බන්ධ සියලු තොරතුරු දැන සිටි රාජපක්ෂ ඇතුලු වර්තමාන ආන්ඩුවේ පාලක කවය සහ සිරිසේන-වික්‍රමසිංහ ආන්ඩුව එය වැලැක්වීම සඳහා සාපරාධී ලෙස කිසිදු පියවරක් නොගත්තේ එම ප්‍රහාරය මුස්ලිම් මහජනයාට එරෙහි වාර්ගික උද්ඝෝෂනයක් හරහා ගසා කෑමටය.

ප්‍රහාරයෙන් පසු බුරුතු පිටින් මුස්ලිම් ජාතික තරුනයන් අත්අඩංගුවට ගනු ලැබුනු නමුත්, චෝදනා නැගීමට තරම් සාක්ෂි නොමැති කම මත වැඩිදෙනා නිදහස් කෙරුනි.

පාස්කු ප්‍රහාරයෙන් පසුව එය නොවැලැක්වීමේ චෝදනාව යටතේ ආන්ඩුව කෙරේ මහජනයා අතර නැගුන බරපතල අප්‍රසාදය  අවමන්ගත කිරීම සඳහා මුස්ලිම් ජනවර්ගයම ත්‍රස්තවාදීන් ලෙස නම් කරමින් ආන්ඩුව සිංහල වර්ගවාදී උද්ඝෝෂනය දැනුවත්වම උත්සන්න කලේය. සිංහල වර්ගවාදී ෆැසිස්ට් ප්‍රහාර මුස්ලිම් ගම්මාන ඉලක්ක කරගනිමින් දිගේලි කිරීම සඳහා මැයි 13 වන විට රාජපක්ෂගේ ශ්‍රී ලංකා පොදුජන පෙරමුන (ශ්‍රීලංපොපෙ) ට  සම්බන්ධ මැර නඩ ඇතුලු කන්ඩායම් මුදා හරිනු ලැබුනු අතර, පොලීසියේ හා මිලිටරියේ ඍජු හෝ වක්‍ර පිටුබලය සහිත ව සිදුකෙරුනු ප්‍රහාරය තුලදී අඩුතරමින් එක් මුස්ලිම් ජාතිකයෙකු මරා දැමා, මුස්ලිම් පල්ලි, නිවාස, ව්‍යාපාරික ස්ථාන, නිවාස ඇතුලු දේපල සියගනනක් විනාශ කෙරිනි. 

මෙය රටේ  සුලුජන කොටස්වලට එරෙහිව දියත් කෙරුනු පාලක පන්තියේ විෂඝෝර සිංහල ස්වෝත්තමවාදී ප්‍රහාරයන්ගේ ඉතිහාසයට එක්වන ලේවැකි සමාජ අපරාධයකි.   

පසුගිය වසරේ මැදභාගයේ සිට මෙම වර්ගවාදී උද්ඝෝෂනයේ ඊලඟ තියුනුම ප්‍රකාශනය වූයේ,   බදුර්දීන්ට එරෙහිව වත්මන් අගමැති මහින්ද රාජපක්ෂගේ එවකට ඒකාබද්ධ විපක්ෂය ඉදිරිපත් කල විශ්වාසභංග යෝජනාව සහ, සිංහල කාන්තාවන් දහස් ගනනක් වන්ද්‍යාභාවයට ලක්කලේය යන ⁣අභූත චෝදනාව යටතේ කුරුනෑගල රෝහලේ සේවය කල  නාරිවේදී විශේෂඥ වෛද්‍ය සියාබ්දීන් මොහමඞ් සාෆි පොලිස් අත්අඩංගුවට ගැනීම සමඟ දියත්කල මුස්ලිම් භීතිකාවයි. 

කුරුනෑගල රෝහලේ සියලුම වෘත්තීය සමිති වෛද්‍ය සාෆිට එරෙහි උද්ඝෝෂනයට බැස ගත්හ. රාජපක්ෂ ලැදි රාජයේ වෛද්‍ය නිලිධාරීන්ගේ සංගමය (රවෛනිස) මේ ප්‍රතිගාමී උද්ඝෝෂනයේ මුදුනේ ම වැජඹිනි.

වෛද්‍ය සාෆි හා පාස්කු ප්‍රහාරයෙන් පසු අත්අඩංගුවට පත් මුස්ලිම් තරුනයන් වෙනුවෙන් හිස්බුල්ලා අධිකරනයේ පෙනීසිටි අතර ඔහුගේ අත්අඩංගුවට ගැනීම එකී මුස්ලිම් භීතිකාව නැවත කරලියට ගෙන ඒ⁣ම ද අරමුනු කරගත් එකකි.

මැතිවරන නාමයෝජනා බාරගත් මාර්තු 19 දක්වා වසංගතය වැලැක්වීම සඳහා පියවර ගැනීම සාපරාධී ලෙස අතපසු කල ආන්ඩුව, වසංගතය ව්‍යාප්තවීම සම්බන්ධයෙන් විශේෂයෙන් මුස්ලිම් ජනයාට එරෙහිව අවලාද නැඟීමේ මතයක් සමාජගත කිරීම පිනිස, වෛරසය ආසාදිත පුද්ගලයන් අතුරින් මුස්ලිම් ජාතිකයන් ජාතිය හා ප්‍රදේශය අනුව නම් කිරීමේ නීච සේවාවක ආන්ඩු ගැති රාජ්‍ය හා පුද්ගලික මාධ්‍යය යොදවා ගැනුනි.  

පසුගිය ආන්ඩු සමයේ සිට රාජපක්ෂගේ වර්ගවාදී උද්ඝෝෂනයේ කරලියේම සිටගත් රවෛනිස, වසංගතය වැලැක්වීමේ සෞඛ්‍ය ශේෂ්ත්‍රය ඇතුලු සියලු වැඩසටහන් මිලිටරි හස්තයට යටකිරීමේ රාජපක්ෂගේ වැඩපිලිවෙල කරේ තබාගත්තේය. මෑතකදී එය ආන්ඩුවට ඉදිරිපත් කල, වසංගතය නිසා රට අගුලු දැමීමේ ක්‍රියාදාමයෙන් ඉවත් වීමේ වැඩපිලිවෙලෙහි (exit strategy),  එයට අදාල වෛරසය ව්‍යාප්තිය හදුනාගැනීමේ නිර්දේශයන්හි නිර්නායකයක් ලෙස "මුස්ලිම් ජනතාව" යන්න යොදා ගැනීම (ethnic profiling) මෙහි නින්දිතම ප්‍රකාශනයක් විය. සමාජ මාධ්‍ය හරහා එය දැඩි දෝශදර්ශනයට ලක්කෙරුනු පසුබිමක රවෛනිස එම නිර්නායකය ඉක්මනින් හකුලා ගත්තේය.

හිස්බුල්ලා අත්අඩංගුවට ගැනීමට දින කිහිපයකට පෙර, අප්‍රේල් 09 දා, වසංගතය පැතිරීයාම සම්බන්දයෙන් පොලීසිය, මිලිටරිය හා ආන්ඩු⁣ගැති රජයේ හා පුද්ගලික මාධ්‍ය හරහා  මුස්ලිම් මහජනයාට අවමන් සහගත ලෙස වගකීම පැවරීමට උත්සාහ ගනිමින් ගෙනගිය වාර්ගවාදී ප්‍රහාරය මධ්‍යයේ, එයට එරෙහිව තම ෆේස්බුක් ගිනුමේ අදහස් පලකල මුස්ලිම් ජාතික රම්සි රාසික්, 2007 අංක 56 දරන සිවිල් හා දේශපාලන අයිතිවාසිකම් පිලිබඳ ජාත්‍යන්තර සම්මුති (අයිසීසීපීආර්) පනත යටතේ අත්අඩංගුවට  ගනු ලැබුනි. රාසික් පෙනී සිටින්නේ සිංහල වර්ගවාදී ප්‍රහාරයන්ට එරෙහිව "මතවාදයම ජිහාඩයක්" අවශ්‍යයැයි ⁣යන මධ්‍යම පන්තික ප්‍රතිගාමී උද්ඝෝෂනයක් වෙනුවෙනි.

මේ අතර, ස්ලාම් භක්තිකයන්ගේ සංස්කෘතික චාරිත්‍ර උල්ලංගනය නොකරන ලෙස  මුස්ලිම් සිවිල් සංවිධාන හා දේශපාලකයන් ගනනාවක් කල ඉල්ලීම නොතකමින්, ලෝක සෞඛ්‍ය සංවිධානයේද නිර්දේශ වලට ද පටහැනිව, කොවිඩ්-19 රෝගය හේතුවෙන් මිය යන මුස්ලිම් ජාතිකයන්ගේ දේහ ආදාහනය කිරීම සඳහා ආන්ඩුව අත්තනෝමතික ලෙස පියවර ගත්තේය. මෙය ද රාසික් තම ෆේස්බුක් ගිනුමේ විවේචනය කර තිබිනි.

ආන්ඩුවේ මෙම ක්‍රියාකලාපය දැඩි දෝශදර්ශනයට ලක් කරමින් එක්සත් ජාතීන්ගේ සංවිධානයේ ආගමික හා සුලු ජාතීන්ගේ අයිතීන් සම්බන්ධ විශේෂ රැපෝර්ටර්වරුන් සිවි දෙනෙකු විසින් ජනාධිපතිට යොමු කරනු ලැබූ ලිපියක සඳහන් කරන්නේ "භූම්දානය කිරීම තහනමි කිරීම අයිසීසීපීආර් උල්ලංගනය කිරීමක්" බවයි. ආන්ඩුවට උපදෙස් දෙමින් ලිපිය ඉල්ලා සිටින්නේ, "විවිධ ජන කොටස්වලට අයත් පුද්ගලයන්ගේ මූලික මානව අයිතිවාසිකම්වලට ගරු කිරීමට පටහැනි හා ආතතිය වැඩි කිරීමට ඉඩ ඇති අනවශ්‍ය ක්‍රියාමාර්ග" ආන්ඩුව නොගතයුතු බවයි.

ආන්ඩුව ඉහත ලිපියට පිලිතුරු යැව්වේ නැත. සෞඛ්‍ය අමාත්‍යංශය මාර්තු 31 දා අනිවාර්යය කර තිබූ  මෙම මලසිරුරු ආදාහනය කිරීමේ මුස්ලිම් පීඩක හා වර්ගවාදී නිර්දේශය සෞඛ්‍ය අමාත්‍ය පවිත්‍රා වන්නිආරච්චි අප්‍රේල් 12 දා නිකුත් කල ගැසට් නිවේදනයකින් නීතිගත කරන ලදී.

එක් අතකින් අදහස් ප්‍රකාශකිරීමේ විකල්ප මාධ්‍ය ඇහිරීම ද අරමුනු කරගනිම්න් රාසික් මෙසේ අත්අඩංගුවට ගනු ලැබෙන්නේ ආන්ඩුව දැනුවත්වම  මුස්ලිම් ජනකොටස් එල්ලකර ගනිමින් සමාජමාධ්‍ය හා ප්‍රධාන ධාරාවේ මාධ්‍ය හරහා නිරනිතරයෙන් කෙරෙන වර්ගවාදී ප්‍රචාරන හා ප්‍රකාශ වලට එරෙහිව කිසිවකුට හෝ එරෙහිව නීතිය ක්‍රියාත්මක කොට නැති පසුබිමක් යටතේය. 

තම පාලනය තුල මුස්ලිම් හා දෙමල ජනකොටස්වලට විරුද්ධව වර්ගවාදී අකටයුතුකම් සිදුකිරීම  රාජපක්ෂ බෞතීසම කලේ ජනාධිපති ලෙස දිවිරුම් දෙමින්, සිංහල ස්වෝත්තමවාදය උත්කර්ශයට නංවමින්, අනුරාධපුරයේදී ගිය නොවැම්බරයේ සිදුකල කිරීඨාරූඩවීමේ කථාවේදීය. සුලුජාතීන්ගේ ජන්ද නොමැතිව තමන්ට සිංහල ජන්දවලින් පමනක් මැතිවරන ජයග්‍රහනය කිරීමට හැකි බවට රාජපක්ෂ එහිදී පුරාජේරු ⁣දෙඩවීය. 

ජනාධිපතිවරනයේදී මෙන්ම, වසංගතයද නොසලකා කඩිනම් කරමින් තිබෙන මහමැතිවරන උද්⁣ඝෝෂනයේදී ද රාජපක්ෂ ප්‍රමුඛ ශ්‍රීලංපොපෙ, ජාතික ආරක්ෂාව හා සිංහල ස්වෝත්තමවාදය ඉදිරියට ගැනීමට සූදානමින් සිටී.

සිරිසේන-වික්‍රමසිංහ ආන්ඩුවේ ප්‍රහාරයන්ට එරෙහිව අඛන්ඩව වැඩෙමින් පැවති කම්කරු පන්තික අරගල, රාජපක්ෂ ආන්ඩුව යටතේ වඩාත් උත්සන්න වෙමින් පැවතියදී  වසංගතය රට ආක්‍රමනය කලේය. 

වසංගතය හමුවේ සහන සේවාවන් සැපයීමේ කිසිදු ක්‍රමවත් ක්‍රමවේදයක් තොරව නගර අගුලු දැමීම, වසංගතයට හා මරනයේ අන්තරයායට කම්කරු මහජනතාව නිරාවරනය කරමින් නැවත වැඩට කැඳවිම, සමාජ අසමානතාවය තීව්‍ර කරන අතර විශාල සමාගම් හා ව්‍යපාර ගලවා ගැනීම සඳහා මහජන මුදල් බිලියන ගනනින් පොම්ප කිරීම, සමාජය දැවැන්ත ලෙස මිලිටරීකරනය කිරීම ආදිය සම්බන්දයෙන් වර්ධනය වෙමින් පවතින්නේ පුලුල් මහජන වික්ශෝපයකි. 

මෙම මහජන අප්‍රසාදය පන්ති අරගල තීව්‍රකරනු ඇතිබවට ගනන්බලා ඇති රාජපක්ෂ ප්‍රමුඛ පාලක පන්තිය දැන් වඩවඩාත් වාර්ගික විභේදනයන් උත්සන්න කිරීමේ ඓතිහාසික කූඨෝපාය ක්‍රියාවට දමමින් සිටී.

වර්ධනය වන මහජන අප්‍රසාදය දෝරගැලීමට පෙර කඩිනමින් මහ මැතිවරනය පවත්වා අවශ්‍ය ව්‍යවස්ථාමය වෙනස්කම් කරමින් තම ආඥාදායක බලය ශක්තිමක් කරගැනීමට රාජපක්ෂ මාන බලමින් සිටී. රාජපක්ෂ අතුලු පාලක කල්ලිය දැන් සූදානම් කරමින් තිබෙන්නේ මැතිවරන උද්ඝෝෂනයේදී ඉස්මත්තට ගැනීමට නියමිත මුස්ලිම් විරෝධයේ  කොන්දේසිය. 

වසංගතය මධ්‍යයේ පැවැත්වීමට එරෙහිව මතුව ඇති විරෝධය හේතුවෙන් කල්යාහැකි මැතිවරනයකට පෙරාතුව බලය රැකගැනීම සඳහා රාජපක්ෂ බරපතල ආකාරයෙන් මිලිටරිය මැදිහත් කරමින් සිටී.  රාජ්‍ය ආරක්ෂාවේ කඩතුරාව යටතේ මෙම පියවර ගැනීම සඳහා නව අත්අඩංගුවට ගැනීම් හරහා මුස්ලිම් අන්තවාදය පිලිබඳ භතිකාව ඉදිරියට දමමින් තිබේ.  

ආන්ඩුවේ මෙම වර්ගවාදී උද්ඝෝෂනය සම්බන්ධව නාමික විරුද්ධ පක්ෂයට ඇතුලත් වන එක්සත් ජාතික පක්ෂය, සමගි ජන බලවෙිගය, ජනතා විමුක්ති පෙරමුන හා දෙමල ජාතික සන්ධානය ඇතුලු ධනපති පක්ෂ නිහඬ සහයෝගය දක්වා ඇත. උඩුදුවා යන මහජන අප්‍රසාදය සමස්ථ පාලක පන්තියටම එරෙහි පොරෝ පහරක් වනු ඇති බවට ඔවුන් සංවේදී ය. 

ලංකාව තුල මෙසේ ක්‍රියාත්මක වෙමින් පවතින්නේ ජාත්‍යන්තර ප්‍රපංචයක ස්වරූපයකි.  රාජපක්ෂ මෙන්ම එක්සත් ජනපදය, බ්‍රිතාන්‍යය, ප්‍රංශය, ජර්මනිය සිට ඉන්දියාව දක්වා ලොවපුරා පාලක පන්තීන් වසංගතය ඩැහැගනිමින් මිලිටරීකරනය සහ වර්ගවාදය යොදාගනිමින් කම්කරු මහජනතාවට එරෙහිව ආඥාදායකත්වයන් දෙසට යන ගමන වේගවත් කොට ඇත.

පාලක පන්තියේ මෙම මෘග වාර්ගික උද්ඝෝෂනයන් ෆැසිස්ට් පන්නයේ ප්‍රහාරයන් දක්වා වර්ධනය වීම වලක්වා ප්‍රජාතන්ත්‍රීය හා සමාජ අයිතීන් ආරක්ෂාකල හැක්කේ වාර්ගික රේඛා කපාගෙන කම්කරු පන්තියේ එකමුතුව යටතේ, එම වාර්ගික ප්‍රහාරයන්ගේ හා භේදකරනයන්හි පදනම වන ධනපති පන්ති පාලනයටම එරෙහිව කරනු ලබන සමාජවාදී අරගලයකින් පමනි.

ඇඳිරිනීතිය නීත්‍යානුකූල නොවන්නේ ඇයි?

ඇඳිරිනීතිය නීත්‍යානුකූල නොවන්නේ ඇයි?

29.04.2020

ලංකාවේ කොරෝනා වසංගතය මධ්‍යයේ විවිධ සාධාරන අවශ්‍යතා සඳහා මාර්ගයට බසින බහුතරයක් දුප්පත් මිනිසුන් ඇඳිරිනීතිය උල්ලංගනය කිරීම යන චෝදනව යටතේ දිගින් දිගටම අත්අඩංගුවට ගැනෙමින් පවතී. දැනට අත්අඩංගුවට ගෙන ඇති පුද්ගලයන් ගනන 40000 ට වැඩි සංඛ්‍යවක් වන අතර බොහෝ දෙනා නඩුවලට පෙනී සිටීමේ කොන්දේසි මත ඇප පිට නිදහස් කර තිබේ.  එහෙත් අඳිරිනීතිය උල්ලංගනය කිරීම යන චෝදනාව නීත්‍යානුකූලද? 

⁣නියෝජ්‍ය පොලිස්පති නීතිඥ අජිත් රෝහන දැන් කියා සිටින්නේ ජනාධිපති මාධ්‍ය නිවේදන හරහා පනවනු ලබන ඇඳිරි නීතිය පනවනු ලබන්නේ 1947 අංක 25 දරන සංශෝධිත මහජන ආරක්ෂක ආඥාපනතේ (මආආ) විධිවිධාන යටතේ නොවන බවත් 1897 අංක 3 දරන සංශෝධිත නිරෝධායන සහ රෝග වැලැක්වීමේ ආඥාපනතේ (නිරෝවැආ) හා ඒ යටතේ නිශ්චිතව සඳහන් නොකරන රෙගුලාසි යටතේ බවත්ය. මෙය පවතින නීතිය වරදවා දැක්වීමකි. 

ලංකා නීතිය යටතේ "ඇඳිරිනීතිය" පැනවිය හැකි ආකාර දෙකකි. ඉන් පලමු ආකාරය නම් මආආ හි 16 වගන්තිය යටතේ  ඇඳිරිනීතිය පැනවීමයි. මෙසේ ඇඳිරිනීතිය පැනවීම හදිසි අවස්ථාවක් ප්‍රකාශයට පත්කොට නැති අවස්ථාවක සිදුකරන්නකි. නමුත් ඇඳිරිනීතිය පැනවීම (හෝ 17 වගන්තිය යටතේ අත්‍යවශ්‍ය සේවා ප්‍රකාශයට පත්කිරීම) කල හැක්කේ එවන් නියෝගයක් ගැසට් පත්‍රයේ පල කිරීම මගිනි. පනතේ 21(2) සමඟ කියවිය යුතු 2(3) වගන්තිය අනුව එසේ පනවන ඇඳිරිනීතිය හෝ අත්‍යවශ්‍ය සේවා "නියෝග" පිලිබඳව  වහා පාර්ලිමේන්තුවට දැනුම්දෙනු ලැබිය යුතුය. පාර්ලිමේන්තුව විසිරුවා ඇති වර්ථමාන තත්ත්වය වැනි අවස්ථාවක, එවන් නියෝග නිකුත්කර ඇත්නම්, ජනාධිපති විසින් දින දහයක් තුල, නැත්නම් හැකි ඉක්මනින් පාර්ලිමේන්තුව යලි කැඳවිය යුතුය. ජනාධිපති කාර්යාලය මගින් නිකුත් කරන "ඇඳිරිනීතිය" පිලිබඳ කිසිදු මාධ්‍ය නිවේදනයක් මෙම විධිවිධානවලට අනුකූල නොවේ. 

හදිසි අවස්ථාවක් ප්‍රකාශයට පත්කොට නැතිවිට  පනවනු ලැබිය හැකි ඇඳිරිනීතිය කඩකරන අයෙකුට එරෙහිව මහේස්ත්‍රාත් උසාවියකදී ලඝු නඩුවිභාගයකින් පසු  වරදකරු කරනු ලැබුවහොත් බරපතල වැඩ සහිතව මසක කාලයකට සිරදඩුවම් සහ/හෝ රුපියල් සියයක දඩයකට යටත් කරනු ලැබිය හැක.

"⁣ඇඳිරිනීතිය" පැනවිය හැකි දෙවන ආකාරය නම් මආආ හි දෙවන වගන්තිය හා දෙවන කොටස යටතේ හදිසි අවස්ථා ප්‍රකාශයට පත්කිරීමක් කර ඇති විටෙක මආආ හි 5 වගන්තිය යටතේ නිකුත්කොට ඇති 2019 අප්‍රේල් 22 දිනැති අංක 2120/5 දරන ගැසට් පත්‍රයේ පලකරන ලද  හදිසි අවස්ථා රේගුලාසි වල එන 14 වන රෙගුලාසිය යටතේ "ඇඳිරිනීතිය" පැනවීමයි. [හදිසි අවස්ථා රෙගුලාසි පාර්ලිමේන්තුව විසින් දින දාහතරක් තුල සම්මත කලහොත් පමනක් මසක කාලයක් සඳහා බල පැවැත්වේ. මආආ යටතේ හදිසි අවස්ථාවක් ප්‍රකාශයට පත්කලවිට ආන්ඩුක්‍රම ව්‍යවස්ථාව හැර අන් සෑම නීතියක්ම හදිසි අවස්ථා රෙගුලාසිවලට යටපත් වන බැවින් ආන්ඩුක්‍රම ව්‍යවස්ථාවේ 155(4) ප්‍රකාරව  විසුරුවා ඇති පාර්ලිමේන්තුවක් දින දහයක් තුල නැවත නිරායාසයෙන්ම කැඳවෙනු ඇත.]

හදිසි අවස්ථා තත්ත්වයකදී එකී හදිසි අවස්ථා ⁣රෙගුලාසි වල 14 වන රෙගුලාසිය යටතේ  ජනාධිපති විසින් නියෝගයක් මගින් ඇඳිරිනීතිය පැනවිය හැකි අතර එම නියෝගයේ නම්කරනු ලබන පුද්ගලයාගේ  අවසරය මත පමනක් පුද්ගලයන්ට ඇඳිරිනීති කොන්දේසි මඟහැරිය හැකිය. බොහෝවිට මෙම නම්කරනු ලබන පුද්ගලයා යම් ප්‍රදේශයක පොලිස් ස්ථානාධිපතිවරයෙක්  හෝ යම් කලාපයක පොලිස් අධිකාරීවරයෙක් හෝ පොලිස්පතිම විය හැකිය. "පොලිස් ඇඳිරිනීතිය" යනුවෙන් බොහෝවිට හැඳින්වෙන්නේ මෙයයි. (මාර්තු 20 සිට ඇඳිරිනිතිය පනවන විට ඇත්තවශයෙන්ම මාධ්‍ය වාර්ථා කලේ පොලිස් ඇදිරිනීතිය ලෙසයි).කෙසේනමුත් හදිසි අවස්ථාවක් ප්‍රකාශයට පත්කර නැති බැවින් හදිසි අවස්ථා රෙගුලාසි යටතේ පැනවෙන පොලිස් ඇඳිරිනීතියක් ලෙසද වර්තමානයේ ප්‍රකාශිත ඇඳිරිනීතිය සැලකිය නොහැක.

එසේනම් ජනාධිපති මාධ්‍ය නිවේදන හරහා ප්‍රකාශයට පත්කොට ඇති "ඇඳිරිනීතිය" නිරෝවැආ යටතේ හෝ නීත්‍යානුකූල වන්නේද? 

සෞඛ්යය විෂයභාර ඇමාත්‍යවරිය අංක 2167/18 සහ 2020.03.20 දිනැති අතිවිශේෂ ගැසට් පත්‍රය මඟින් කොරෝනා වෛරස් රෝගය හෙවත් කොවිඩ් - 19, නිරෝවැආ යටතේ ගැනෙන නිරෝධායනීය රෝගයක් ලෙසින් නම් කලාය. පසුව අංක 2168/6 සහ 2020.03.25 දිනැති අතිවිශේෂ ගැසට් පත්‍ මඟින්  ඇමතිවරිය විසින් නිරෝවැආ හි 2 සහ 3 වන වගන්ති යටතේ රෙගුලාසි ප්‍රකාශයට පත් කර ඇත. 

ඒ අනුව නිරෝවැආ යටතේ ප්‍රකාශ කර ඇති පැරනි රෙගුලාසි පහක දැක්වෙන, "නිසි බලධාරියා(proper authority)" යනු කවරෙක්දැයි යන්න සංශෝදනය කරමින් මාර්තු 25 ගැසට් පත්‍රය මගින් නිසි බලධාරියා යන්නට  පුද්ගල කොට්ඨාශ කීපයක් ම අන්තර්ගත කර ඇති අතර සමස්ථ ශ්‍රී ලංකාව සඳහාම සෞඛ්‍ය සේවා අධ්‍යක්ෂ ජනරාල්වරයා (සෞඅජ) නිසි බලධාරියා ලෙස පත් කර තිබේ.

නිරෝවැආ හි 3 වන වගන්තියේ මගින් ආඥාපනතේ 2 වගන්තිය යටතේ රෙගුලාසි සකස් කළ හැකි විෂයයන් දක්වා ඇත. එහෙත් එම වගන්තියේ කිසිදු අනු වගන්තියක් යටතේවත් අමාත්‍යවරයාට සාමාන්‍ය ඇඳිරිනීති තත්වයක් යටතේ මෙන් පුද්ගලයන්ගේ  ගමන් බිමන් වලකන රෙගුලාසි පැනවීමේ බලයක් හිමි නොවේ. එසේම එවැනි කොන්දේසි පනවමින් සාමාන්‍ය මහජන ජීවිතය සීමාකරන කිසිදු රෙගුලාසියක් මේ දක්වා පනවා ඇත්තේද නැත.

මේ හේතුව නිසා සෞඅජ විසින් ඇඳිරිනීතිය පැනවීමේ නියෝග කිසිවක් නිකුත් කල නොහැකි අතර ⁣එසේ කර අත්තේද නැත. ඇදිරිනීතිය පැනවීම හුදු ජනාධිපති මාධ්‍ය නිවේදනවලට සිමාවී ඇත්තේ මේ සියලු කරුනු යටතේය.

නිසි බලධාරියා වශයෙන් සෞඅජ පත්කරනු ලැබුනේ ⁣මාර්තු 25වනදා බැවින්  නිරෝවැආ හෝ එහි කිසිදු රෙගුලාසියක් යටතේ මාර්තු 20 සිට 25 දක්වා ඇඳිරිනීතිය වැනි තත්වයක් ප්‍රකාශයටපත් කිරීමට කිසිදු වෛශික හැකියාවක් පැවතියේද නැත. ඒ අනුව "නිරෝධායන ඇදිරිනීතිය" යනුවෙන් පොලීසිය දැන් හඳුන්වන තත්ත්වය එම දින කිහිපයට අදාලකරගත නොහැකිය. එනිසා, අඩු තරමින්, පොලීසියේ දුර්වල නීති තර්කය නිවැරදියයි උපකල්පනය කල විටකද එම දින කිහිපය සඳහා ප්‍රකාශයට පත්කල ඇදිරි නීතිය එම තර්කය යටතේවත් නීත්‍යානුකූල නොවේ.

නිරෝවැආ හෝ ඒ යටතේ පනවා ඇති  රෙගුලාසි උල්ලංගනය කල අයෙකුට මහේස්ත්‍රාත් අධිකරනයක් විසින් මාස හයකට නොවැඩි සිර දඩුවමක් හා/හෝ රුපියල් දහසක් දක්වා දඩයක් පැනවනු ලැබිය හැකිය. ඒ අනුව නිරෝධායන සීමාවන් හා ඇදිරිනීතිය හාත්පසින්ම වෙනස් ආකාරයේ බලපෑම් ඇතිකරන කොන්දේසි පනවයි.

මේ අනුව ජනාධපති මාධ්‍ය නිවේදන හරහා පනවා ඇති කිසිදු ඇඳිරිනීතියකට නෛතික වලංගුතාවයක් නැත.

"නිරෝධායන ඇදිරිනීතිය" යනුවෙන්, දින කිහිපයක සිට දැනට බලපවත්වන ඇදිරිනීතිය නම් කිරීමට පොලීසිය නව වචනයක් යොදමින් සිටින්නේ පොලීසියේ තම නීතිමය තර්කයේ දුර්වලභාවය වසං කිරීමටයි.

ඇදිරිනීතිය පැනවීමට පැහැදිලි නීතිමය ප්‍රතිපාදන තිබියදී, බරපතල දේශපාලන හේතු මත ආන්ඩුව ⁣එම නෛතික ප්‍රතිපාදන ක්‍රියාවට නොදමා, දැන්, අතිශයින් දුර්වල නීති තර්ක මගින් ක්‍රියාවට දමා ඇති අත්තනෝමතික  ක්‍රියාමාර්ග නීත්‍යානුකූල කිරීමට උත්සාහ ගනිමින් සිටී.

වසංගතය වැලැක්වීම සඳහා රට අගුලු දැමීම කලයුතු නමුත් එය කල යුත්තේ මහජන ජීවිතය පීඩාවට ලක්නොකරමින් සැලසුම් සහගත කලමනාකරනයකින් යුතුව හා බිලියන ගනනින් සමාජ සුභසාධන සඳහා මුදල් වෙන් කරමිනි. නීතිය අත්තනෝමතික ලෙස නැවීම හා නීතියට පිටින් කටයුතු කිරිම සඳහා ඉඩ සැලසීම නීතියේ ආධිපත්‍යයට හා ප්‍රජාතන්ත්‍රවාදයට එල්ලකරන ප්‍රහාරයන්ට ජීවය සපයයි. ආන්ඩුව මෙම නීති තත්වයන් මඟහරිමින් අනීතික ලෙස කටයුතු කරන්නේ වැඩකරන මහජනතාවට එරෙහිව ධනපති පාලක පන්තියේ වෙලඳපොල අවශ්‍යතාවයන් ඉෂ්ඨ කිරීම සඳහා විධායක ජනාධිපතිධූරයේ බලය ආඥාදායක පාලනරූපයක් වෙත සීඝ්‍රයෙන් පෙරලීම සඳහාය.

නීතීඥ සංජය විල්සන් ජයසේකර

ව්‍යවස්ථා අර්බුදයක් නිර්මානය කරමින්, වසංගතය මධ්‍යයේ ආන්ඩුව මහමැතිවරනයට දින නියම කරයි

ව්‍යවස්ථා අර්බුදයක් නිර්මානය කරමින්, වසංගතය මධ්‍යයේ ආන්ඩුව මහමැතිවරනයට දින නියම කරයි

සංජය ජයසේකර
25 අප්‍රේල් 2020

ආන්ඩුව මැතිවරනය සඳහා තදියම් වන්නේ, මහජන අප්‍රසාදය ඔඩුදුවා යෑමට පෙර තුනෙන් දෙකක පාර්ලිමේන්තු බහුතරයක් සහිත ආන්ඩුවක් පිහිටුවා, ආඥාදායක පාලනය නීතිගත කරන ව්‍යවස්ථාමය සංශෝධන ඇති කිරීම සඳහාය.

පාර්ලිමේන්තු මහමැතිවරනය පැවැත්වීමේ දිනය ජුනි 20 ලෙස ප්‍රකාශයට පත්කරමින් මැතිවරන කොමිෂන් සභාව (මැකොස) අප්‍රේල් 20 දා ගැසට් නිවේදනයක් නිකුත් කලේය. කොවිඩ්-19 වසංගතය ව්‍යාප්තවීමේ අන්තරාය මධ්‍යයේ මැතිවරනයට දින නියම කිරීම පිලිබඳව ජනාධිපති ගෝඨාභය රාජපක්ෂ සහ මැකොස අතර මසක පමන කාලයක් පැවති කඹ ඇදිල්ල මැකොස රාජපක්ෂගේ වාසියට අත්හැර දමා ඇත්තේ ව්‍යවස්ථාමය අර්බුදයක් නිර්මානය කිරීමේ තත්වයක් උද්ගත කරමිනි.

මැකොස සභාපති මහින්ද දේශප්‍රිය පසුව මාධ්‍යයට සඳහන්කලේ මෙම දිනයද වසංගතය පාලනයේ තත්වය අනුව ඉදිරියේදී කල්යෑමට ඉඩ ඇති බවයි.

ව්‍යවස්ථාපිතව තමන්ට හිමිවූ පලමු අවස්ථාවම ඩැහැගත් රාජපක්ෂ,   මාර්තු 02 මධ්‍යම රාත්‍රියේ සිට බලපැවැත්වෙන පරිදි පාර්ලිමේන්තුව විසුරුවා හැරි අතර, මහමැතිවරන දිනය ලෙස 2020 අප්‍රේල් 25 සහ නව පාර්ලිමේන්තුව ප්‍රථමයෙන් කැඳවන දිනය  2020 මැයි 14 බව මැකොස නිවේදනය කලේය.

රාජපක්ෂ පාර්ලිමේන්තුව මෙසේ විසුරුවා හලේ පාර්ලිමේන්තුවේ නියමිත කාලය අවසන් වීමට තවත් මාස හයක් ඉදිරියට තිබියදීය. මී⁣ට පෙර ඔහු පාර්ලිමේන්තුව මාසයකට අත්හිටවූයේද එවැනිම ප්‍රජාතන්ත්‍ර-විරෝධී පියවරකිනි. 

පුපුරන සුලු පන්ති අරගල මාලාවක් හා ගැඹුරුතර ආර්ථික අර්බුදයක් මධ්‍යයේ තත්වය තමන්ට අවාසිදායක ලෙස පෙරලීමට ප්‍රථම තුනෙන් දෙකක බහුතර බලයක් සහිතව තමන් බලයට පැමිනි ශ්‍රී ලංකා පොදුජන පෙරමුනේ (ශ්‍රීලපොපෙ) ආන්ඩුවක් පිහිටුවා ගැනීමට රාජපක්ෂ අපේක්ෂාවෙන් සිටී.

පාර්ලිමේන්තුව මෙසේ විසුරුවා හරිනු ලැබූවිටක, ව්‍යවස්ථාවේ 70 (5) (අ) හා (ඇ) වගන්ති අනුව, මැතිවරනයෙන් තෝරාපත්කරගනු ලබන අභිනව පාර්ලිමේන්තුව, එය විසුරුවාහරිනු ලැබූ මාර්තු 02 සිට මාස තුනක් තුල පලමුවරට රැස්වීම සඳහා ජනාධිපති විසින් කැඳවිය යුතුවේ. මෙසේ ව්‍යවස්ථානුකූලව නව පාර්ලිමේන්තුව රැස්වියයුතු දීර්ඝම දිනය වන්නේ ජුනි 02 වන දිනයි. ඒ අනුව මැතිවරනය ⁣ජුනි 02 ට ප්‍රථම පැවැත්විය යුතුය.

පාර්ලිමේන්තු මැතිවරන පනත (පාමැප) හි 24(3) වගන්තිය පරිදි, යම් හදිසි තත්වයක් හේතුකොටගෙන මැතිවරනය සඳහා ජනාධිපති නියමකොට ඇති දිනය තුල එය පැවැත්වීමට නොහැකිනම් ඒ සඳහා  වෙනත් දිනයක් නියම කිරීමට මැකොසට හැකිය. නමුත් රටේ ඉහලම නීතිය වන ආන්ඩුක්‍රම ව්‍යවස්ථාවේ ඉහත සඳහන්කල විධිවිධානයන්ට මැකොස බැඳී පවතින බැවින්,  පාර්ලිමේන්තුව විසුරුවීමෙන් මාස තුනක් ඉක්මවන දිනයක් වන ජුනි 20 දා මැතිවරනය පැවැත්වීමට මැකොස ගත් තීරනය අනීතික හා ව්‍යවස්ථා විරෝධී වේ.

මෙම අනීතිකභාවය මගින් බරපතල ව්‍යවස්ථා අර්බුදයක් නිර්මානය කරයි. මැතිවරනය ජුනි 20 ට නියමකොට ඇති බැවින්, ජුනි 02 හෝ ඊට ප්‍රථම නව පාර්ලිමේන්තුව කැඳවීමේ හැකියාවක් නැත. ජුනි 02ට ප්‍රථම නව පාර්ලිමේන්තුව නොකැඳවුවහොත්, පාර්ලිමේන්තුව විසුරුවාහැරීමේ ජනාධිපතිගේ මාර්තු 02 ප්‍රකාශය බල රහිත තත්වයකට පත්කෙරෙන අතර, නීතිය අනුව පාර්ලිමේන්තුව විසුරුවා නොහරිනලද තත්වයකට පත්කෙරේ.  

මාධ්‍යයට අදහස් දක්වමින් ජ්‍යෙෂ්ඨ නීතීඥයෙකු හා දෙමල ජාතික සංධානයේ  හිටපු මන්ත්‍රීවරයෙකු වන එම්.ඒ. සුමන්තිරන් ප්‍රකාශකලේ මෙම ව්‍යවස්ථා විරෝධී ක්‍රියාවන් සම්බන්ධයෙන් ශ්‍රේෂ්ඨාධිකරනයට යෑමට තමන් සූදානම් බවය.  වර්ධනය වන ව්‍යවස්ථා අර්බුදය ගැන ඉඟිකරමින් හිටපු කථානායක කරු ජයසූරිය සඳහන් කලේ මැතිවරන දිනය පිලිබඳ අධිකරනය ගන්නා තීන්දුවක් පිලිගන්නා බවත් තමන් පාර්ලි⁣මේන්තුව යලි කැඳවීමේ සූදානමක් ඇති බවට මතුවන ආරංචි අසත්‍ය බවත්ය.

අප්‍රේල් 20 රෑ රූපවාහිනී මාධ්‍ය හරහා විකාශය කෙරුනු, ජනාධිපති ප්‍රධාන උපදේශක ලලිත් වීරතුංග සහ ජනාධිපති රාජපක්ෂ අතර පැවති සම්මුඛ සාකච්ජාවේදී මෙම ව්‍යවස්ථා අර්බුදය පිලිබඳ හොඳින්ම සවිඥානික වූ රාජපක්ෂ මෙසේ සඳහන් කලේය: “යම් හෙයකින් ජූනි 02 වන විට ජන්දය තබා නව පාර්ලිමේන්තුව පත්වී නොතිබුනහොත් මට පාර්ලිමේන්තුව කැඳවන්නට පුලුවන්කමක් නැහැ. එහෙම උනොත් ඒක කරන්න වෙන්නෙ ඉදිරි දිනයකදී.”  

රටේ නීතියේ ආධිපත්‍යය  හා ව්‍යවස්ථාව කෙරෙහි තම නොසැලකිල්ල හා අවඥාව ප්‍රකාශ කල රාජපක්ෂ “නීතිය, කල නොහැක්කක් කිරීමට කියන්නේ නැත-Law does not expect to do the impossible” යනුවෙන් නීතිමය සිද්ධාන්තයක් (Lex Non Cogit Ad Impossibilia) නරුම ලෙස ගෙනහැර පෑවේය.

“මොනම හේතුවක් නිසාවත් පරන පාර්ලිමේන්තුව නැවත කැඳවීමට” තමන් සූදානම් නැති බව ද ඔහු නැවතත් අවධාරනය කලේය. මෙම ප්‍රකාශයන්හි බරපතල ඇඟවුම් පවතී.

රාජපක්ෂ සරලව කියන්නේ, “කල නොහැක්කක්” සම්බන්ධයෙන් නීතියට අනුව කටයුතු නොකිරීම, නීති-විරෝධී නොවන බවයි.

ඔහු එසේ කියන්නේ ව්‍යවස්ථා අර්බුදයක් පැන නොනැගෙන පරිදි කල හැක්කක් තිබියදී ය. එනම්, වසංගතයේ අවදානම පහවගිය කලෙක මැතිවරනය පවත්වන තෙක්, තමන් විසුරුවා හල පාර්ලිමේන්තුව නැවත කැඳවීමයි. ආන්ඩුක්‍රම ව්‍යවස්ථාවේ 70(7) වගන්තිය යටතේ ඒ සඳහා    ප්‍රතිපාදන පවතී. 

කෙසේ නමුත්, තමන් එසේ නොකරන බවත්, මාස තුනේ කාලයද ඉක්මවා යම්කිසි දවසක මැතිවරනය පවත්වා නව පාර්ලිමේන්තුව කැඳවන දිනය තෙක්  තමන් ව්‍යවස්ථාවිරෝධීව විධායක බලය අනීතිකව   ක්‍රියාවට දැමීමට සූදානම්ව සිටින බවත් රාජපක්ෂ පවසයි. 

ආන්ඩුගැති  ප්‍රතිගාමී නීති උපදේශකයන් රාජපක්ෂගේ නීතිය නොතකා කටයුතුකිරීම   අනුමත කිරීම සඳහා තවත් නීතිමය සංකල්පයක් වන  “අවශ්‍යතාවයේ මූලධර්මය”  සාවද්‍යලෙස යොදාගනී. මෙම මූලධර්මය පවතින්නේ යම් කටයුත්තක් කිරීම සඳහා අවශ්‍ය  ප්‍රතිපාදන නීතිය තුල නැති දුර්ලභ අවස්ථාවන්හිදී පමනි. 

ව්‍යවස්ථාවට හා නීතියේ ආධිපත්‍යයට පිටින්, අත්තනෝමතිකව තම පාලනය ගෙනයෑමේ සූදානම රාජපක්ෂ දැනටමත් හොඳින් ප්‍රකට කොට ඇත. 

19 වන ආන්ඩුක්‍රම ව්‍යවස්ථා සංශෝධනය අනුව කිසිදු අමාත්‍යංශයක් තමා යටතේ තබාගැනිමට ජනාධිපතිට නොහැකි නමුත්,  පසුගිය නොවැම්බරයේ ජනාධිපතිධුරයට පත්වීමත් සමග ආරක්ෂක අමාත්‍යංශය ඇතුලු ආයතන ගනනාවකම තත්ත්වාකාර බලය රාජපක්ෂ තමන්වෙත පවරාගත්තේය.  මාර්තු 17 සිට ආගමන හා විගමන දෙපාර්තමේන්තුවද එම අමාත්‍යංශය යටතට ⁣ගෙන තිබේ.

වසංගතය මධ්‍යයේ ඇඳිරිනීතිය පැනවීම හා ඉවත්කිරීම, අත්‍යවශ්‍යසේවා ප්‍රකාශයට පත්කිරීම, කොවිඩ්-19 වසංගතය වැලැක්වීමේ ජාතික මෙහෙයුම් මධ්‍යස්ථානය පිහිටුවීම හා එයට යුද අපරාධ චෝදනා එල්ලවී ඇති හමුදාපති ශවේන්ද්‍ර සිල්වා පත්කිරීම යනාදී කටයුතු ගනනාවක් කිසිදු නීතිමය වලංගුතාවයක් නැති හුදෙක් ජනාධිපති මාධ්‍ය නිවේදන හරහා පමනක් කරනලද ඒවාය.

ආරක්ෂක අමාත්‍යංශයේ ලේකම් ඇතුලු රජයේ ආයතන ගනනාවකම ඉහලම තනතුරුවලට හිටපු හමුදා නායකයන් පත්කරමින්ද, මහජන ආරක්ෂක පනත යටතේ පොලිස් බලතලද සහිතව රටපුරා ත්‍රිවිධ හමුදාව දිගේලි කරමින්ද, රාජපක්ෂ වඩවඩාත් මිලිටරිය මත පාදක වූ පාලනයක් ගෙනයමින් සිටී. තමන්ට අවනත නාමික කැබිනට් මන්ඩලයක් සහිත විධායකයේ ප්‍රධානියා වශයෙන් රාජපක්ෂ දැන් තත්වාකාරයෙන්ම මූල්‍ය කලමනාකරනය ඇතුලු රටේ ව්‍යවස්ථාදායක බලයද තමන් වෙත පවරාගෙන තිබේ.

වසංගතය මධ්‍යයේ මහමැතිවරනය පැවැත්වීම මුලදී (මාර්තු21) කල්දැමූ මැතිවරන කොමිෂන් සභාව මැතිවරනයට දින නියම කිරීම සඳහා ශ්‍රේෂ්ඨාධිකරනයේ මතය විමසන ලෙස කල ඉල්ලීම රාජපක්ෂ          ප්‍රතික්ෂේප කලේ වසංගතය හේතුවෙන් මහජනයාට විය හැකි ව්‍යසනකාරී අන්තරායද නොසලකමින් කෙසේ හෝ නොපමාව මැතිවරනය පැවැත්වීමේ තම උත්සුකය  ප්‍රකට කරමිනි.

ජනාධිපති ලේකම් පී.බී.ජයසුන්දර හරහා අප්‍රේල් 06 මැකොසට  ලිපියක් යවමින් “ඡන්දය ප්‍රකාශ කිරීමට මේ රටේ ජනතාවට අයිතිය ඇති බවත්, එය ඔවුන්ගේ ස්වෛරි අයිතියක් බවත්” රාජපක්ෂ සඳහන් කලේය. මැතිවරනය ඉක්මන් කරන්නේ මහජනතාවගේ ප්‍රජාතන්ත්‍රවාදී අයිතියක් තහවුරු කිරීමේ අරමුනෙන් බව ව්‍යාජ ලෙස ඇඟවීමට රාජපක්ෂ උත්සාහ කලේය.

වසංගත අවදානම පවතිද්දී මැතිවරනය පැවැත්වුවහොත්  අනෙක් දේශපාලන පක්ෂ වලට නිදහසේ මැතිවරන උද්ඝෝෂනයේ යෙදීමට ඇති අවකාශය බොහෝදුරට වැලකෙන බව රාජපක්ෂ දනී.

වසංගතයේ අවදානම පහවගොස් වාතාවරනය සාමාන්‍ය අතට හැරී ඇතිබවට වන ව්‍යාජයක් මහජනයාට ඒත්තුගැන්වීම සඳහාත්, මහා ව්‍යාපාරවල ලාභ ආරක්ෂා කරදෙනුවස් කම්කරුවන් නැවත වැඩට කැඳවිම සඳහාත්, කොවිඩ්-19 අගුලුදැමීම අවසන් කරමින් ආන්ඩුව පසුගිය සඳුදා (20) සිට ඇඳිරිනීති කොන්දේසි ලිහිල් කලේය.

කොරෝනා වසංගතය ⁣තුල උග්‍රකෙරී ඇති ගෝලීය මුල්‍ය කඩාවැටීම හමුවේ වඩාත් ගැඹුරුවන මූල්‍ය අර්බුදයකට මුහුන දී සිටින රාජපක්ෂ ආන්ඩුවට, එම අර්බුදයේ සමස්ත බර කම්කරු-පීඩිත මහජනතාව මත පැටවීම හැර අන් විකල්පයක් නොමැත. ජාත්‍යන්තර මූල්‍ය අරමුදල ඇතුලු මුල්‍ය ප්‍රාග්ධනය මගින් නිර්දේශිත දැවැන්ත කප්පාදු හරහා රාජපක්ෂ ආන්ඩුව ක්‍රියාත්මක කරමින් සිටින්නේ එම වැඩපිලිවෙලයි. 

මැතිවරනය වඩාත් කල්ගියහොත්, එම කප්පාදු වැඩපිලිවෙල කෙරෙහිත්,  කොරෝනා වසංගතය හමුවේ තම ජීවිත සම්බන්ධයෙන් ආන්ඩුවේ සාපරාධී නොතැකීම කෙරෙහිත් මහජන අප්‍රසාදය ද උත්සන්නවී, අවශ්‍ය පාර්ලිමේන්තු බහුතර බලය තහවුරු කරගත නොහැකි වෙතැයි රාජපක්ෂ ගනන් බලයි. 

ගැඹුරුවන දේශපාලන හා ආර්ථික අර්බුදය මධ්‍යයේ අඥාදායක පාලනරූපයන් වලට ගමන් කිරීම ලංකාවේ රාජපක්ෂ ඇතුලු පාලක පන්තියට පමනක් සීමාවූවක් නොවේ. එය ජාත්‍යන්තර ප්‍රපංචයකි. මෙහි දුෂ්ඨ ස්වභාවය කෙතෙක්ද යත්, එක්සත් ජනපදයේ  ඩොනල්ඩ් ට්‍රම්ප්,  ප්‍රන්සයේ ඉමැනුවෙල් මැක්‍රොන් සිට ඉන්දියාවේ නරේන්ද්‍ර මෝදි දක්වා ලොව පුරා පාලකයෝ වසංගතය ගසා කමින් අඥාදායක පාලන රූපයන් වර්ධනය කරති. 

කර්තෘ පහත ලිපි නිර්දේශ කරයි:

වසංගතය මධ්‍යයේ මැතිවරනය පැවැත්වීමට ආන්ඩුව වලිකයි 

ආන්ඩුව වසංගතය ගසාකමින් ප්‍රජාතන්ත්‍ර විරෝධී හා අත්තනෝමතික පාලනයක් වර්ධනය කරයි

How the"impossible" is possible for Sri Lanka's President

Sri Lankan president Gotabaya Rajapaksa dissolved Parliament on the 02 March 2020, six months ahead of the expiry of the duration of the then Parliament.

By virtue of the powers vested in him by Article 70(1) and 70(5) of the Constitution of the  Republic, to be read with Article 33(2)(c) thereof and in pursuance of the provisions of Section 10 of the Parliamentary Elections Act (PEA) No. 1 of 1981, the President issued the Proclamation by gazette No. 2165/8 of 02.03.2020 (a) dissolving the Parliament  with effect from midnight of 02 March, (b) summoning the new Parliament to meet on the 14 May 2020 and (c) fixing 25 April 2020 as the date for the election of Members of new Parliament.

Lex Non Cogit Ad Impossibilia

Article 70(5)(a) states the Proclamation dissolving Parliament shall fix a date or dates for the election of Members of Parliament, and shall summon the new Parliament to meet on a date not later than three months after the date of such Proclamation. Under Article 70(5)(c), by a subsequent Proclamation, the President can also postpone this date of first meeting of the new parliament,  but that date so fixed by the subsequent Proclamation shall be a date not later than three months after the date of the "Original" Proclamation.

Therefore, the Constitution is very clear that the country can run only for three months without a Parliament, after the dissolution of parliament [except under rare circumstances contemplated under Article 70(6), whereat it could go up to four months]. The new Parliament should first meet before the expiry of three months from the date of dissolution of Parliament, and so, the Election for the election of members of parliament should be fixed within these three months. The date of the election within these three months should be first fixed by the President, but this date could be later varied by the Elections Commission, due to some emergency or unexpected  exigencies of the situation, under Section 24(3) of the PEA. However, the Election Commission is still bound by Article 70(5)(a) of the Constitution, to re-fix the election on a next date, which should still be within the three months from the date of dissolution of the Parliament by the President, so that the President is not prevented from summoning the new Parliament for the first time within the mandatory three month period required under Article 70(5)(a) or 70(5)(c) of the Constitution. The Commission is not empowered, by Section 24(3) of the PEA to refix the Elections on any date it thinks fit, which may fall beyond the said three month period.

In the circumstances, it is very clear that the fixing of the Elections on the 20 June 2020 by the Elections Commission is ultra vires the PEA and the Constitution, illegal and ab initio null and void. It is, one may reasonably suppose,  because of this obvious legal hurdle that Elections Commission requested the President to refer the matter to the Supreme Court to decide on the date of the election to be held on a date that may fall even after 02 June. The President refused, and the Commission had no option.

One may conclude that the political pressure from the government paved the way for the Elections Commission to take this obviously "impossible" decision. It is thus true when the President himself refers to the maxim, "the Law does not compel a man to do that which is impossible" (Lex Non Cogit Ad Impossibilia), but, on the contrary, Politics does.

What was legally possible ?

If the elections cannot be held due to some exigencies of the situation, like today when a pandemic has hit, within the said three month period from the date of dissolution of parliament and the date of first meeting of the new parliament, such situation can and should be considered as an emergency contemplated under Article 70(7) of the Constitution. Under Article 70(7),  at any time after the dissolution of Parliament, if the President is satisfied that an emergency has arisen of such a nature that an earlier (i.e.before three months) meeting of Parliament is necessary, he may by Proclamation summon the Parliament which has been dissolved to meet on a date not less than three days from the date of such Proclamation and such Parliament  could be be operative till the conclusion of the General Election and be dissolved thereupon.

But, for reasons best known to him, the President has asserted that he is not gonna recall the parliament dissolved, and has decided to flout Constitutional provisions.

The decision of the Elections Commissions raises serious issues of rule of law and questions of democratic procedure. Most importantly, this illegality of the Commission's decision will render the presidential proclamation dissolving the Parliament on the 02 March ineffective and invalid, as the constitutionally permitted period to hold the election has lapsed.

An acute constitutional crisis is imminent, if these constitutional questions are raised.

Sanjaya Wilson Jayasekera, LL.B, LL.M.

Attorney-at-Law.

නීතියේ ආධිපත්‍යය කෙලසීම: ජනාධිපති ආඥාදායකත්වයක් කරා පෙරට

ප්‍රජාතන්ත්‍රවාදී අයිතීන් හෝ රටේ නීතිමය සීමාවන් කිසිලෙසක මායිම් නොකරමින් ශ්‍රී ලංකා ආන්ඩුව කොරෝනා වසංගත අර්බුදය හමුවේ අත්තනෝමතිකව කටයුතු කරමින් සිටී. ජනාධිපති ආඥාදායක පාලනයක් පිහිටුවීමේ වැඩපිලිවෙලේ කොටස් ලෙස සිවිල් පරිපාලනයද මිලිටරීකරනය කර තිබේ. සමාජ මාධ්‍ය ක්‍රියාකාරිකයින් අත්අඩංගුවට ගනිමින් ප්‍රකාශනයේ නිදහස මර්දනය උත්සන්න කර තිබේ. පහත දක්වා ඇති පරිදි  අවස්ථා ගනනාවක දී රටේ නීතිය අවඥාසහගතව නොතකා හැර තිබේ: 

• 19 වන ආන්ඩුක්‍රම ව්‍යවස්ථා සංශෝධනය අනුව කිසිදු අමාත්‍යංශයක් තමා යටතේ තබාගැනිමට ජනාධිපතිට නොහැකි නමුත් ආරක්ෂක අමාත්‍යංශය ඇතුලු ආයතන ගනනාවකම තත්ත්වාකාර බලය ව්‍යවස්ථා විරෝධී ලෙස ජනාධිපති විසින් පවරාගෙන සිටී.
• කොවිඩ්-19 වසංගතය වැලැක්වීමේ ජාතික ක්‍රියාකාරී මධ්‍යස්ථානය පිහිටුවීම හා එයට යුධ අපරාධ චෝදනා එල්ලවී ඇති හමුදාපති ශවේන්ද්‍ර සිල්වා පත්කිරීම කිසිදු නීතියක් යටතේ ගැසට් නිව්දනයක් මගින් ප්‍රකාශයට පත්කොට නැත. මෙය ආන්ඩුක්‍රම ව්‍යවස්ථාවේ 33(2) වගන්තිය යටතේ එන ප්‍රතිපදාන ඕනෑකමින්ම මගහැරයාමකි. ඒ අනුව එහි නීතිමය පුද්ගලභාවය ප්‍රශ්නගත වන අතර සිල්වා ඇතුලුව එහි කිසිවෙකු පාර්ලිමේනතුවට හෝ අධිකරනයකට වගවීමට ලක්කිරීම ගැටලුසහගතය.
• ඇඳිරි නීතිය පැනවීම, අත්හිටුවීම හා නැවත පැනවීම මහජන ආරක්ෂක (පීඑස්ඕ) පනතේ 16 වන වගන්තිය යටතේ ගැසට් නිවේදන මගින් ප්‍රකාශයට පත්කල යුතු මුත් එසේ කර නැත. 
• සෞඛ්‍ය, ආරක්ෂක අංශ, බැංකු,රේගුව, භාන්ඩ බෙදාහැරීම, සහල් මෝල්, ජලය, විදුලිය, ඉන්දන සැපයුම, ඔසුසල හා ෆාමසි අත්‍යවශ්‍ය සේවා ලෙස ප්‍රකාශයට පත්කරමින් මාධ්‍ය නිවේදන නිකුත්කර තිබුනද ඒ කිසිවක් පීඑස්ඕ හි 17 වගන්තිය හෝ 1979 අංක 61දරන අත්‍යවශ්‍ය මහජන සේවා පනත යටතේ හෝ ගැසට් පත්‍රයේ නිවේදන ලෙස පලකර නැත.
• මෙසේ ඇඳිරිනීතිය පැනවීම හෝ අත්‍යවශ්‍ය සේවා ගැයට් පත්‍රයේ පල නොකිරීම නිසා එම නිවේදන නීති විරෝධී වේ. එසේ ගැසට් පත්‍රයේ පලකිරීමෙන් පසු ඒ පිලිබඳව වහා පාර්ලිමේන්තුවට දැනුම්දිය යුතු අතර එනම් එවිට පාර්ලිමේන්තුව නැවත කැඳවීමට සිදුවේ. ජනාධිපති දැනටමත් ප්‍රකාශකොට ඇති පරිදි පාර්ලිමේනතුව නැවත කැඳවීමේ කිසිදු සූදානමක් ඔහුට නැත. 
• වසංගතය මැඩපැවැත්වීම, 2005 ආපදා කලමනාකරන පනත අනුව පිහිටුවා ඇති සිවිල් ආයතනයක් වන, දැන් ආරක්ෂක අමාත්‍යංශයේ විශයපථයට දමා ඇති, ආපදා කලමනාකරන මධ්‍යස්ථානය යටතේ වෛද්‍ය මන්ඩලවලින් සමන්විත ව්‍යුහයකට අන්තර්ග්‍රහනය කල යුතුව පැවතුනද, ජනාධිපති එම නීතිය නොසලකා හරිමින් එය මිලිටරියේ ඍජු හා පූර්න පාලනයට නතුකර ඇත්තේය. 
• සාමාන්‍ය නීතියක් වන ආපදා කලමනාකරන පනත යටතේ පිහිටුවා ඇති වඩා ප්‍රජාතන්ත්‍රිය වෘහයක් වන ආපදා කලමනාකරන ජාතික කවුන්සිලය ක්‍රියාත්මක කිරීම ඇතුලු  පවතින නීති යටතේ දැනටමත් පහිටුවා ඇති ආයතන හරහා ක්‍රියාත්මක කලහැකි කාර්යභාරයන් රාශියක්ම ආවරනය කිරීම සඳහා රාජපක්ෂ අක්‍රමවත් පියවර ගනිමින් ජනාධිපති කාර්යසාධක බලකායක් (ජකාසාබ) පිහිටවනු ලැබූයේ පාර්ලිමේන්තුවේ ප්‍රජාතන්ත්‍රවාදී අධීක්ෂනයට එම කටයුතු යටත්කිරීමේ  අවශ්‍යතාවය මගහැරීමටය. ඒ අනුව ජකාසාබ පවතින නීති විශයපථයට පිටින් ගිය බලයන් අත්පත්කරගෙන තිබේ.
• අදිරිනීතිය පනවා දින තුනක් ඇතුලත රාජපක්ෂ යූද අපරාධකාර සමූහඝාතකයෙකු වන හිටපු හමුදා සාජන් සුනිල් රත්නායක ජනාධිපති සමාව දී නිදහස් කලේය.
• ඇඳිරිනීතිය පනවා ඇති නමුත් රජයේ නිවාඩුදින ප්‍රකාශයට පත්කිරීමකින් තොරව "නිවසේ සිට වැඩකිරීම" යන ක්‍රමවේදයක් ප්‍රකාශයට පත්කර ඇත.  මෙයට කිසිදු නෛතික පදනමක් නැත.
• ජාතික ආපදා අවස්ථාවකදී හදිසි අවස්ථාවක් ප්‍රකාශයට පත්කොට ව්‍යවස්ථාව අනුව පාර්ලිමේන්තුව කැඳවිය යුතු වන නමුදු ජනාධිපති තම ආඥාදායක නිවේදන හරහා විධායක නීති සම්පාදනය මගින් පාලනය කිරීමට පිවිස සිටී.
• රාජ්‍ය ඒකාබද්ධ අරමුදලින් ජනාධිපති විසින් යම් මුදල් වෙන්කිරීම් සඳහා අවසර ලබාදී අතිමුත්, පාර්ලිමේන්තුවේ අනුමැතියකින් තොරව එසේ කිරීම නීතියට පටහැනිය. 
• ආහාර ද්‍රව්‍ය වල "පාලන මිල" අධීක්ෂනය මිලිටරියට හා බුද්ධි අංශ වෙත පවරා ඇත.
• වෛරසය ආසාදනයෙන් මිය යන පුද්ගලයන් ආදාහනය හෝ භූමිදානය කලහැකි බවට ලෝක සෞඛ්‍ය සංවිධානයම නිර්දේශ කර ඇති මුත්, මුස්ලිම් ජාතික ජනතාවගේ දැඩි විරෝ්ධය ද නොතකා හරිමින් ආගමික චාරිත්‍ර හා සමානාත්මතාවය පිලිබඳ ව්‍යවස්ථාපිත මූලික හිමිකම්ද උල්ලංගනය කරමින් සියලු මෘත ශරීර ආදාහනය කල යුතු බවට භාරකාර සෞඛ්‍ය ඇමති පවත්‍රා වන්නිආරච්චි ලවා ගැසට් නිවේදනයක් නිකුත් කරනු ලැබ තිබේ.

පොලීසියට හා මිලිටරියට ද අවශ්‍ය පරිදි නීතියට පිටින්  ක්‍රියාත්මක වීමට ජනාධිපති ප්‍රමුඛ භාරකාර ආන්ඩුව ඉඩ සලසා තිබේ:

• නීතිවිරෝධී ඇඳිරිනීතිය යටතේ පොලීසිය ඉවක්බවක් නැතිව දසදහස් ගනනින් පුද්ගලයන් හා වාහන අත්අඩංගුවට ගනිමින් සිටී. නීතිය අනුව මේ සියල්ලද අනීතිකය. 
• අප්‍රේල් 01දා වැඩබලන පොලිස්පති මාධ්‍ය නිවේදනයක් නිකුත් කරමින් කොවිඩ්-19 වසංගතය වැලැක්වීම සඳහා ක්‍රියාකරන රාජ්‍ය සේවකයන්ගේ “සුලු අඩුපාඩු” මතු කර පෙන්වමින් “බරපතල ලෙස” ඔවුන්ගේ “රාජකාරියට බාධා කරමින් හා ඔවුන්ට බැන තර්ජනය කරමින් අසත්‍ය හෝ ද්වේශසහගත ප්‍රකාශ” අන්තර්ජාලය තුල ප්‍රසිද්ධ කරන පුද්ගලයන් අත්අඩංගුවට ගතයුතු බවට පොලිසියට නියෝගයක් නිකුත් කලේය. එවන් අපරාධ වරදක් දක්වන කිසිදු නීතියක් රටේ නැත. 
• එම නියෝගය යටතේ තරිදු අවිශ්ක සිසුවා ඇතුලු නව දෙනෙක් මේ දක්වා අත්අඩංගුවට ගෙන ඇත. ජාතිවාදයට එරෙහි සමාජමාධ්‍ය ක්‍රියාකාරිකයෙක් වන රම්සි රසීක් සිවිල් හා දේශපාලන අයිතිවාසිකම් පිලිබඳ ජාත්‍යන්තර සම්මුත් පනත (අයිසීසීපීආර්)යටතේ සාවද්‍ය චෝදනා මත අත්අඩංගුවටගෙන රිමාන් බන්ධනාගාර ගතකොට ඇත. මේවා ප්‍රකාශනයේ ව්‍යවස්ථාපිත මූලික අයිතියම උල්ලංගනය කල අවස්ථාය.
• මීට සාපේක්ෂව මුස්ලිම් මහජතාවට එරෙහිව වාර්ගික උසිගැන්වීම් කරන කිසිදු පුද්ගලයෙකු අත්අඩංගුවට ගෙන නැත. හමුදාපති සිල්වා මාධ්‍යට කල ප්‍රකාශ හරහා වසංගතය ව්‍යාප්තවීමේ වගකීම මුස්ලිම් ජනයා මත පැටවීමේ අතිෂය දුෂ්ඨ හා නරුම ක්‍රියාකලාපයක් ඉෂ්ඨ කලේය.
• නිරෝධායනය දඩමීමා කරමින් සාමාන්‍ය පටිපාටියටද පටහැනි ලෙස පුද්ගලයන් බලහත්කාරයෙන් රැගෙනගොස් කඳවරුවල රඳවා තැබේ.
• වසංගතය මර්දනය මධ්‍යයේ උප පොලිස්පති ලෙස උසස්කරනු ලැබ ඇති අජිත් රෝහන ආන්ඩුවේ මාධ්‍ය⁣ය හොරනෑ හරහා තර්ජනය කරමින් කියා සිටියේ ඇඳිරි නීතිය කඩකරමින් දිස්ත්‍රික්ක අතර මාරුවන පුද්ගලයන් අත්අඩංගුවට ගෙන දින 14ක අනිවාර්ය නිරෝධායන කඳවුරු තුල රඳවා තබන බවයි. එවන් නීතියක් නොමැත.
• පසුගිය 11 දින සිට පොලීසිය මුහුනු අවරන පැලදීම අනිවාර්ය කර ඇත්තේ වෛද්‍ය නිර්දේශවලටද පිටින් යමින් හා කිසිදු සෞඛ්‍ය රෙගුලාසියක් යටතේ නොවේ.
• මාර්ගයේ නිකරුනේ හැසිරුනේය යන "වරදට" පුද්ගලයන්ට එවෙලේම දඬුවම් දීමට කටයුතු කල පොලිස් නිලධාරීන් නිර්දෝශී බවට ප්‍රකාශකොට දිනක වැඩ අත්හිටුවීමකට පසු සේවයේ යලි පිහිටුවා ඇත.
• ඇඳිරිනීතිය උල්ලංගනය කරමින් ආගමික රැස්වීම් පැවැත්වීම සම්බන්ධව පුද්ගලයන් අත්අඩංගුවට ගැනීමේදී වාර්ගික අනන්‍යතාවය මත අසමාන ලෙස සලකා තිබේ. 

රටේ නීතිමය ප්‍රතිපාදනවලට පිටින් මෙලෙස කටයුතු කිරිම නීතියේ ආදිපත්‍යය යටපත් කිරීමකි. වසංගතය මධ්‍යයේම තත්වය බරපතල වීමට ප්‍රථම මහ මැතිවරනය පවත්වා තුනෙන් දෙකක බහුතර බලයක් සහිත ආන්ඩුවක් පිහිටුවීමේ අපේක්ෂාව නිසා ආන්ඩුව පාර්ලිමේන්තුව නැවත නොකැදවමින් අත්තනෝමතික ලෙස හැසිරෙමින් සිටී.

නුදුරේදීම පුපුරායාමට නියමිත පන්ති අරගල මාලාවක් තම ධනපති පාලනය අභියෝගයට ලක්කරනු ඇතබව රටේ පාලක පන්තිය හොඳින් සවිඥානකය. එබැවින්,  පාර්ලිමේන්තුව රැස්වුවද සිදුවනු ඇත්තේ එක්සත් ජාතික පක්ෂය, සමගි ජන බලවේගය, ජනතා විමුක්ති පෙරමුන, දෙමල ජාතික සන්ධානය හා මුස්ලිම් වාර්ගික පක්ෂ  ආදී ධනපති පක්ෂ සියල්ලම ආන්ඩුවේ මිලිටරීකරන පියවරයන් අනුමත කිරීමයි. 

කොරෝනා වසංගතය ව්‍යවසනයක් බවට පත්වීමට දශක ගනනාවක් පොදු සෞඛ්‍ය සේවා ඛාදනය කරමින් නවලිබරල් ප්‍රතිප්ති ක්‍රියාත්මකකල සෑම ආන්ඩුවක්ම වගකිව යුතුය. මෙය ලොව සෑම රටකම සත්‍යයකි. කම්කරු පන්තියේ පොදු සතුරා කොරෝනාව නොව ධනපති පන්ති පාලනය හා පුද්ගලික ලාභය ගැරමේ පද්ධතියයි.

Image courtesy of dailymirror

ආගමික ප්‍රතිගාමීත්වයේ අවශ්‍යතාවයට ලේඛක සත්කුමාර සිරගත කිරීමෙන් අදට වසරයි.

තම මුහුනුපොත් ගිනුමේ ලියා පලකල "අර්ධ" නමැති කෙටි කතාව මගින්, බුද්ධාගමට හා බුදුන්ට අපහාස කරන බවටත් බුදුන්ගේ ගිහි ජීවිතය විකෘත කරන බවටත් සිංහල වර්ගවාදී සංවිධානවලට සම්බන්ධ භික්ෂුවක් විසින් වෛරී සහගත ලෙස කර තිබූ පැමිනිල්ලක් මත ලේඛක ශක්තික සත්කුමාර නීතිව්රෝදී ලෙස අත්අඩංගුවට ගෙන අදට වසරකි. 

සත්සකුමාරගේ නිදහස ඉල්ලා සසප උත්ඝෝෂනය

දින 130 ක සිරගත කිරීමකින් පසු බරපතල ඇප කොන්දේසි මත ඔහු තාවකාලිකව නිදහස ලබා සිටී. ලේඛකයාට එරෙහිව අධිචෝදනා ගොනු කරන්නේද යන නීතිපතිගේ තීරනය පොලීසිය මගින් උසාවියට දැනුම්දීමට නියමිතව තිබේ.

ගිය වසරේ අප්‍රේල් 01 වන දින  සත්කුමාර නීතිවිරෝධී ලෙස අත්අඩංගුවට ගනු ලැබුනේත්, රඳවා තැබුනේත් දන්ඩ නීති සංග්‍රහයේ 291බී වගන්තිය හා 2007 අංක 56 දරන සිවිල් හා දේශපාලන අයිතිවාසිකම් පිලිබඳ ජාත්‍යන්තර සම්මුති (අයිසීසීපීආර්) පනතේ 3 වන වගන්තිය යටතේ වන වැරදිවලට සැකකරුවෙකු ලෙසයි. 

එම චෝදනා යටතේ අධිචෝදනා ගොනුකිරීමට තීරනය කරනු ලැබුව හොත් සත්කුමාරට එරෙහිව කුරුනෑගල මහ අධිකරනයේ නඩු පැවරෙන අතර, වසර දහයක සිර දන්ඩනයකට ඔහුව යටත්කරනු ලැබිය හැකිය.

අත්තනෝමතික ලෙස අත්අඩංගුවට ගැනිම මගින් ප්‍රකාශනයේ නිදහස ඇතුලු ඔහුගේ ව්‍යවස්ථාපිත අයිතීන් උල්ලංගනය කිරීමට එරෙහිව සත්කුමාර ගොනුකොට ඇති මූලික අයිතිවාසිකම් නඩුවේ වගඋත්තරකරුවන් අතර පොල්ගහවෙල පොලිස් ස්ථානාධිපති වෙනුවෙන් දැනටමත් නීතිපති පෙනීසිටින බැවින්, අධිචෝදනා ගොනුකිරීම පිලිබඳ අපක්ෂපාතී තීන්දුවක් ගැනීමෙන් නීතිපති දැනටමත් බොහෝ සෙයින් වලක්වනු ලැබ ඇත.

කලා කෘතියට අමතරව නිර්මාපකයාටද එරෙහිව පීඩක නීති යොදා, අධිකරන ක්‍රියාදාමය අවභාවිතා කරමින් කලාව හා ප්‍රකාශනයේ නිදහස මර්ධනය කිරීමට පාලක පන්තිය සත්කුමාරගෙන් අරම්භ කලේය.

ධනපති ආර්ථික අර්බුදයේ ලෝක පරිමාන සංසිද්ධියක කොටසක් ලෙස ලංකාවේ පාලක පන්තිය තවතවත් දකුනට ගමන් කරමින් සියලු ආකාරයේ ප්‍රතිගාමීත්වයන් වර්ධනය කරමින්, ප්‍රජාතන්ත්‍රවාදී  අයිතීන් පාගා දමමින් අධිපතිවාදය ශක්තිමත් කරමින් සිටී.

කම්කරු පන්තිය වාර්ගික රේඛා ඔස්සේ බෙදා දමන බෞද්ධ ආගමික අන්තවාදයට උඩගෙඩි දෙමින් හා වාර්ගවාදය පෝශනය කරමින්, සමාජ මාධ්‍යජාලා අවහිර කරමින්, අන්තර්ජාල ⁣සුපරීක්ෂාකාරී නීති ගෙන එමින්, මරන දන්ඩනය නැවත කැඳවුම් කරමින්, කම්කරු අරගල මර්ධනය කරමින් සිරිසේන-වික්‍රමසිංහ ආන්ඩුව තම පන්ති පාලනය සඳහා වියරු උත්සාහයක නිරතවිය. 

සත්කුමාරගෙන් පසු ලේඛකයන් හා මාධ්‍යවේදීන් කිහිප දෙනෙකුට එරෙහිව මෙම මර්ධක නීති යොදාගැනීමට සූදානම් කෙරිනි. ජනාධිපතිවරනය ආසන්නයේදීම චිත්‍රපට අධ්‍යක්ෂ හා නාට්‍යකරු මාලක දේවප්‍රිය අපරාධ පරීක්ෂන දෙපාර්තමේන්තුව මගින් අයිසීසීපීආර් පනත යටතේම චෝදනාවලට ප්‍රශ්න කරනු ලැබිනි. ලෝක සමාජවාදී වෙබ් අඩවිය හා සමාජවාදී සමානතා පක්ෂය (සසප) පමනක්ම මෙම මර්ධනයේ දේශපාලන අන්තර්ගතය පැහැදිලි කරමින් එයට එරෙහිව සමාජවාදී වැඩපිලිවෙලක් ඉදිරිපත් කරමින් සටන් වැදිනි. 

ප්‍රකාශනයේ නිදහසට එරෙහිව නව පාලනය යටතේත් පසුගිය කාලය තුල එල්ල කෙරුනු තර්ජනයන් රාශියක් පිලිබඳ තොරතුරු දේශීය හා ජාත්‍යන්තර මාධ්‍ය කිහිපයක්ම වාර්තා කර තිබිනි. 

කොවිඩ් -19 වසංගතය හේතුවෙන් නිවාස අඩස්සියට පත්ව සිටින මලියන 22 ජනතාවක් තම අත්‍යවශ්‍ය සේවා ඉෂ්ඨ නොකිරීම සම්බන්ධවත්, දශක ගනනාවක් සමාජ සුභසාදන කප්පාදුවට ලක්කල සෞඛ්‍ය සේවයක අවම පහසුකම් යටතේ භයානක අන්තරායකට මහජනතාව ඇද දැමීම ගැනත්, වෙලඳපොල ආරක්ෂා කිරීම හා මැතිවරන නාමයෝජනා සඳහා වසංගත ව්‍යාප්තිය වැලැක්වීමට පියවර ගැනීමට සාපරාදී ලෙස කල් මැරීමත් ගැන ආන්ඩුව පිලිබඳ තදබල වික්ෂෝපයට පත් කම්කරු තරුන මහජනතාව කරනු ලබන විරෝධතාවයන් යටපත් කිරීම සඳහා දැන් සමාජමාධ්‍ය වාරනයකට ආන්ඩුව සැරසෙමින් සිටී. 

දුම්රිය අත්‍යවශ්‍ය සේවාවක් ලෙස ප්‍රකාශකිරීම: එහි නීතිය හා දේශපාලන ආර්ථිකය

දුම්රිය අත්‍යවශ්‍ය සේවාවක් ලෙස ප්‍රකාශකිරීම : එහි නීතිය හා දේශපාලන ආර්ථිකය

දුම්රිය කම්කරුවන් දින දොලහක් තිස්සේ පවත්වාගෙන ගිය වැඩවර්ජනය ඇමති හා ජනපති ඉදිරියේ දනින් වැටුනු වෘත්තීය සමිති විසින් ඊයේ (07)අත්හැර දමා ඇත. 

දුම්රිය ඇතුලු පොදු ප්‍රවාහන සේවාවන් අත්‍යවශ්‍ය සේවා බවට ඔක්තෝම්බර් 03 දින මඔ්‍යම රාත්‍රියේ සිට ක්‍රියාත්මක වන පරිදි ජනාධිපති විසින් ප්‍රකාශයට පත් කෙරිනි. ඒ 1979 අංක 61 දරන අත්‍යවශ්‍ය මහජන සේවා පනතේ 2 වගන්තිය යටතේ නිකුත්කල අතිවිශේෂ ගැසට් පත්‍ර අංක.2143/51 මගිනි.

වැටුප් විෂමතා ඇතුලු‍ ඉල්ලීම් කිහිපයක් මුල් කර ගනිමින් සැප්තැම්බර් 25 මධ්‍යම රාත්‍රියේ සිට දුම්රිය එන්ජින් රියදුරන්, නියාමකවරුන්, ස්ථානාධිපතිවරුන්, අධීක්ෂන නිලධාරීන් හා ගමන් පාලකවරුන් ඇතුලු‍‍ 2000කට අධික දුම්රිය සේවකයන් වැඩ වර්ජනයක් ක්‍රියාත්මක කලහ. යාන්ත්‍රික පරීක්ෂකවරුන්, ප්‍රවාහන පරීක්ෂකවරුන් සහ විශ්‍රාමිකයන් යොදවාගෙන දුම්රිය ධාවනය කරවීමට සහ තර්ජනයන් මගින් වර්ජනය කඩාකප්පල් කිරීමට ආන්ඩුව සහ දුම්රිය බලධාරීන් ගත් උත්සාහ ය අසාර්ථක විනි. දිනකට සාමාන්‍යයෙන් ධාවනය කෙරෙන 400 ක් පමන වන දුම්රිය සංඛ්‍යාව 10-12 පමන සීමා විනි. දැන් වෘත්තතීය සමිති තවත් අරගයක් පාවා දී ඇත. 

අත්‍යවශ්‍ය මහජන සේවා පනත: කම්කරුවන් මඩින පනතක්

මෙම පනත එක්සත් ජාතික පක්ෂ ආන්ඩුව විසින් නව-ලිබරල් විවෘත ආර්ථික ප්‍රතිපත්ති ලංකාව තුල ක්‍රියාත්මක කිරීම පිනිස, විධායක ඒකාධිපතියෙකුගේ බලය තහවරු කිරීම වෙනුවෙන් සකස් කල 1978 ආන්ඩුක්‍රම ව්‍යවස්ථාව යටතේ හඳුන්වාදුන්, කම්කරු පන්තික අරගල මැඩීම සඳහා ගෙන ආ මර්දක නීතියකි. එය ලංකාවේ අලිඛිත ව්‍යවස්ථාවට,එනම් නවලිබරල් ව්‍යවස්ථාමය මූලික ව්‍යුහයට අයත් එක් නීතියකි. වැඩිවෙන උද්දමනය හා ජීවන වියදම, පොදු සහනසේවා හා වැටුප් කප්පාදුවට එරෙහිව, 25000 ක් පමන දුම්රිය සේවකයන් ද සහභාගී වූ1980 ජුලි වර්ජනයේදී 40000 ක් පමන කම්කරුවන්ගේ සේවය අහිමි කිරීම සඳහා මෙම පනත යොදා ගැනුනි. 

මෙම පනත ප්‍රජාතන්ත්‍රවාදී අයිතීන්ට එල්ල කල බරපතල පහරකි. වගන්ති අටකින් යුතු මෙම පනතේ 2(1) වගන්තිය යටතේ සාමාන්‍ය ජන ජීවිතය පවත්වා ගෙන යාම සඳහා අත්‍යවශ්‍ය බවට  සලකමින් එම සේවාවන් සැපයීමට අවහිරයක් හෝ බාධාවන් ඇතිවීමට හැකියාවක් පවතින්වන්ය යන පදනමින් රාජ්‍ය සේවයේ ඕනෑම අංශයක් පාහේ අත්‍යවශ්‍ය මහජන සේවාවක් ලෙස ප්‍රකාශයට පත්කිරීමේ බලය, අදාල ඇමතිගේ ද අදහස විමසීමෙන් පසුව, විධායක ජනාධිපතිට පැවරේ. මෙවන් අත්‍යවශ්‍ය සේවා නියෝගයක් එය ගැසට් පත්‍රයේ පලකල දින සිට බලාත්මක වන අතර  පාර්ලිමේන්තුව විසින් දින දාහතරක් ඇතුලත සම්මත කිරීමෙන් පසු මසක කාලයකට බල පැවැත්වේ.

එලෙස අත්‍යවශ්‍ය සේවාවක් ලෙස ප්‍රකාශයට පත්කරනු ලැබූ රාජ්‍යසේවයක වැඩවර්ජන ක්‍රියාවලියකට එක්ව සිටින සේවකයන්ට එරෙහිව අපරාධ නඩු පැවරිය හැකි වරදවල් ගනනාවක් පනතේ 2(2) වගන්තිය යටතේ දක්වා තිබේ. එ් අනුව අත්‍යවශ්‍ය සේවාවක් ලෙස ප්‍රකාශයට පත්කොට ඇති විටෙක ⁣එම සේවයට වාර්ථා කිරීමට හෝ අදාල ආයතන ප්‍රධානියා විසින් නියම කරනු ලබන කටයුත්තක් ඔහු විසින් සාධාරනයැයි සිතන කාලයකදී කිරීමට අපොහොසත් වීම හෝ එය ප්‍රතික්ෂේප කිරීම වරදවල් ගනයට වැටේ. තවද අදාල සේවාව කිරීම සඳහා යොදවනු ලැබිය හැකි පුද්ගලයන්ට අවහිර කිරීම, භාදා කිරීම,  වැඩ පමා කිරීම; එලෙස අමතරව සේවයේ යොදවා ඇති පුද්ගලයන් සේවයට වාර්ථා කිරීම අවහිර කිරීම, වැලැක්වීම හෝ සේවයට නොඑන ලෙස හෝ සේවා ස්ථානය හැරයන ලෙස බලකිරීම, අනුබල දීම, පෙලඹවීම; එවන් වෙනත් පුද්ගලයකු අදාල සේවය සඳහා බඳවා ගැනීම වැලැක්වීම යනාදිය පනත යටතේ අපරාධ ගනයේ වැරදි යටතට වැටේ.

පනතේ 4 වන වගන්තිය එම වරදවල් යටතේ ලබා දිය හැකි බරපතල දඬුවම් දක්වයි. මෙම වරදවල් යටතේ මහේස්ත්‍රාත් උසාවියේ අසන ලඝු නඩු විභාගයකින් පසුව වරදකරු වන කම්කරුවෙකුට වසර දෙකකට නොඅඩු හා වසර පහකට නොවැඩි බරපතල වැඩ සහිත සිරදඩුවම්වලට යටත් කල හැකිය. ඊට අමතරව රුපියල් දෙදාහත්, පන්දහසත් අතර දඩයකටද යටත් කල හැකිය.  

වෙනත් දන්ඩන නීතිවල සාමාන්‍ය දඩුවම් ක්‍රම පරයා යමින් මෙම පනත යටතේ ඉහත දඩුවම් වලට අමතරව උසාවිය මඟින් අදාල කම්කරුවාගේ චංචල හා නිශ්චල දේපල රාජසන්තක කල හැකි අතර ඔහුගේ/ඇයගේ නම යම් වෘත්තියකට හෝ රැකියාවකට අදාල නාම ලේඛනයකින්  කපාහැරීමේ දඩුවමක්ද දිය හැකිය.

මෙම පනතේ මර්දනකාරීත්වය කොතෙක්ද යත්, එහි හයවන වගන්තියටඅනුව, එකී වැරදි යටතේ පවරනු ලබන අපරාධ නඩු කටයුත්තකදී විත්තිවාචකයක් ලෙස කම්කරුවා අදාල ක්‍රියාව කලේ හෝ නොකලේ තමන් අයත් වෘත්තීය සමිති විසින් දියත් කල වැඩ වර්ජනයක් නිසාය යන්න ඉදිරිත් කල නොහැක.

⁣මෙම පනත අනිකුත් සෑම ලිඛිත නීති විධිවිදානයක්ම අභිබවා ක්‍රියාත්මක වන අතර අපරාධ නඩුවිදාන සංග්‍රහ පනතේ 15(2) යටතේ වරදකරු කරනු ලැබූ අයෙකු උසාවියතුල දඩ ගෙවන තෙක් රඳවා තැබීමට ඇති බලය මහේස්ත්‍රාත් උසාවියට අහිමි කොට කම්කරුවා අනිවාර්ය බන්ධනාගාරගත කිරීමට බලකර තිබේ. 

මීට අමතරව, ආයතන සංග්‍රහයේ පස්වන පරිඡ්චේදයේ හත්වන වගන්තියට අනුව කම්කරුවා නිවාඩු ලබා නොගෙන රාජකාරියට නොපැමිනීම යන පදනමක් යටතේ ඔහුව එලෙස සේවයට නොපැමිනි දින සිට තනතුර අත්හැර ගියා සේ සැලකිය හැකි අතර ඒ බව ඔහු අනුබද්ද දෙපාර්තමේන්තු ප්‍රධානියකු වන මාන්ඩලික නිලධාරියකු විසින් ලියාපදිංචි තැපෑලෙන් දන්වා සිටිය හැක.

මහජන ආරක්ෂන ආඥා පනත යටතේ හදිසි අවස්ථා ප්‍රකාශයට පත් කරනිමින් වැඩබිම් හා සේවා ස්ථානවලට මිලිටරි හමුදාව බස්සවා අරගල මර්ධනය කල මෑත අවස්ථා මෙන්ම නැවත නැවතත් එලෙස ක්‍රියාත්මක වීමට ධනපති ආන්ඩු දෙවරක් සිතන්නේ නැත. මේ සියල්ලගෙන් පෙන්නුම් කරන්නේ වැඩෙන පන්ති අරගල හමුවේ ධනපති පාලනය මුහුන දී ඇති බරපතල අර්බුදය යි.

දුම්රිය ඇතුලු‍ රාජ්‍ය අංශයේ දැන් පවතින වර්ජන වලට එරෙහිව හමුදාව යෙදෙවීමට තමන් සූදානම් බව කියමින් හමුදාපති සවේන්ද්‍ර සිල්වා  පසුගිය අඟහරුවාදා ප්‍රකාශ කර ඇත්තේ කැඳවුම් කලොත් “මහජන ආරක්ෂාව සහතික කිරීමට සහ රාජ්‍ය සේවාවන් තුල නීතිය පවත්වාගෙන යාම” සඳහා ඉල්ලා සිටින “ඕනෑම” දෙයක් කිරීමට හමුදා නිලධාරීන් සූදානමින් සිටින බවයි. ලෝක සමාජවාදී වෙබ් අඩවිය මෙම ප්‍රකාශයන්ගේ භයානක අඟවුම් මෙසේ පැහැදිලි කලේය:

"මෙය වනාහි කම්කරුවන් අරගලවලට එලඹීමත් සමග ආන්ඩුව හා සමස්තයක් ලෙස පාලක පන්තිය ම අර්බුදයට පත්ව සිටින තත්වය තුල මිලිටරිය පැත්තෙන් මැදිහත්වීමකට සූදානම් බව ප්‍රකාශ කිරීමකි; සරල භාෂාවෙන් ගතහොත්, මෙය ආඥාදායක පාලනයක් සඳහා සූදානම ප්‍රකාශ කිරීමකි".

වෘත්තීය සමිතිවල පාවාදීමට එරෙහිව අයිතීන් සඳහා දේශපාලන වැඩපිලිවෙලක්:

සිරිසේන-වික්‍රමසිංහ ආන්ඩුව හෝ ජනාධිපතිවරනයෙන් පසු බලයට පත්වන කුමන හෝ ආන්ඩුවක් හෝ ක්‍රියාවට දමනු ඇත්තේ කම්කරුවන්ගේ ඉල්ලීම් වලට විසඳුම් දීමේ වැඩ පිලිවෙලක් නොව ජාත්‍යන්තර මුල්‍ය අරමුදල විසින් නියෝග කරනු ලැබ ඇති කප්පාදු වැඩපිලිවෙල ඇතුලු ආර්ථික ප්‍රතිසංස්කරනයන් ය. 2020 වන විට අයවැය පරතරය   දල ජාතික නිෂ්පාදනයෙන් සියයට 3.5 දක්වා අඩු කිරීමට බැඳී ඇති ආන්ඩුව ඇමරිකානු ඩොලර් බිලියන 54.2ක විදෙස් නයබරින් එරී ඇත. 

ආන්ඩුවේ මෙම ප්‍රහාරයන්ට එරෙහිව, ජාත්‍යන්තර ප්‍රපංචයක කොටසක් ලෙස, ලංකාවේ පන්ති අරගලය ඉහල තලයකට අද නැංවී තිබේ. ගුරුවරුන්, විශ්ව විද්‍යාල අනධ්‍යයන සේවකයින්, පරිපාලන සේවකයින් ආදී සෑම කම්කරු කොට්ටාශයක්ම එකම වැටුප් හා ජීවන ගැටලු වලට මුහුන පා සිටින අතර මෙම අරගල මැඩීම සඳහා බලට එන ඕනෑම ආන්ඩුවක්ම පොලිස් රාජ්‍ය පියවරයන් යොදාගනිමින් වඩ වඩාත් දේශපාලන දකුනට ගමන් කිරීමට නියමිතය. සිංහල වර්ගවාදී නඩ පෝෂනය කරමින් සුලු ජනකොටස්වලට එරෙහිව ඒවා යොදාගනිමින් කම්කරු පන්තිය බෙදා දැමීම හා අවමංගත කිරීම සඳහා දිගින් දිගටම පියවර ගනු ඇත.

දුම්රිය වැඩ අරඹයි

මෙම රාජ්‍ය මර්දනයට අනුග්‍රහ කරමින් වර්ජනයෙන් මහජනයා අපහසුවට පත්වීම ගැන කිඹුල් කඳුලු‍ හෙලමින් දුම්රිය කම්කරුවන්ට එරෙහිව මහජනයා උසිගැන්වීමේ නින්දිත ව්‍යයාමක ධනපති ජනමාධ්‍ය නිරතව සිටිති. මෙම ව්‍යායාමයන් පරාජය කර හැක්කේ වර්ජනයේ යෙදෙන කම්කරුවන් සෙසු කම්කරු මහජනතාවගේ අරගල සමඟ තම අරගල ඒකාබද්ධ කිරීමෙනි. වෘත්තීය සමිති කිසිවිටෙක මෙය නොකරති. කම්කරු පන්තියේ අවශේෂ කොටස් තබා සෙසු ශ්‍රේනි වලට අයත් දුම්රිය සේවකයන් බලමුලු‍ ගැන්වීම දුම්රිය සමිති විසින් ප්‍රතික්ෂේප කර ඇත. 

නිෂ්පාදනයේ භූගෝලීකරනයෙන් පසු ජාතික රාජ්‍ය මට්ටමේ පදනම් වී ඇති වෘත්තීය සමිති ඇතුලු කිසිදු සංවිධානයකට කම්කරු මහජනතාවගේ කිසිදු ප්‍රජාතන්ත්‍රවාදී අයිතියක් හෝ හරයාත්මක සමාජ සුභසාදනයක් ජයග්‍රහනය කල නොහැක. ඒ බැවින් අරගල පාවාදීමේ හා ආන්ඩු ආරක්ෂාකරගැනීමේ න්‍යායපත්‍රයක් හැර කම්කරු අයිතීන් ජයග්‍රනය කිරීම සඳහා ධනපති පන්ති පාලනයට අභියෝග කිරීමේ  දේශපාලන වැඩපිලිවෙලක් වෘත්තීය සමිතිවාදයට නැත. තම අයිතීන් ජයග්‍රහනය කිරීම සඳහා තම කර්මාන්තශාලාවල, සේවා ස්ථානවල හා කාර්මික නිවහන් ප්‍රදේශවල ක්‍රියාකාරී කමිටු සාදා ගනිමින් ජාත්‍යන්තර සමාජවාදී ක්‍රියාමාර්ගයක් යටතේ අවශේෂ සෑම කම්කරු කොටසක්ම ඒකාබද්ධකරගන්නා අරගලයකට කම්කරුවන් අවතීර්න විය යුතුය.

නීතිඥ සංජය විල්සන් ජයසේකර විසිනි
Credit for image on top: dailynews.lk